Hormone me bazë estrogjeni - rrezik për kancer

Xhesika Berman
17 korrik
17-07-2002
Sipas një studimi të kohëve të fundit, gratë që marrin për një kohë të gjatë hormone me bazë estrogjeni, rrezikohen më tepër të kenë kancer në vezore. Ky studim u botua këtë javë në revistën e shoqatës mjekësore amerikane dhe bëhet i njohur pas një studimi tjetër mbi terapinë e zëvendësimit të hormoneve, i cili pati ndikime negative në shëndetin e grave që kurohen me to për një kohë të gjatë.
Gratë që u përfshinë në studimin mbi terapinë e zëvendësimit të hormoneve, ishin përfshirë më parë në projektin e qeverisë amerikane për zbulimin e rasteve të kancerit të gjirit. Shkencëtarët e Institutit Kombëtar të Kancerit arritën në përfundimin se 329 ndër 4 mijë gra ishin prekur nga kanceri në vezore, që nga koha e përfundimit të studimit në vitin 1980. Kjo do të thotë se rreziku për kancerin e vezores ishte 60 për qind më i madh ndër gratë që mjekohen me estrogjen, në krahasim me ato që nuk kanë marrë kurrë hormone. Gratë që u kuruan me estrogjen për 20 vjet, apo më tepër, rrezikoheshin tri herë më tepër të preken nga kanceri i vezoreve.
Xhon Kurtejn është drejtor i Shkollës Mjekësore të Onkologjisë në Universitetin e Niu Jorkut. Doktor Kurtejn shpjegon se estrogjeni zakonisht u jepet grave që u është hequr uterusi, si dhe atyre në periudhën e menopauzës. ”Numri i pacienteve që kurohen me estrogjen pas heqjes së uterusit është më i madh se numri i grave pas periudhës së menstruacioneve, të cilat marrin estrogjen. Shumica e grave që marrin estrogjen, nëse nuk i janë nënshtruar operacionit për heqjen e uterusit, kurohen edhe me estrogjen, edhe me progesteron”.
Në studim, shkencëtarët nuk vunë re shtim të rrezikut të kancerit në vezore tek gratë të cilat vazhdojnë ta kenë uterusin, dhe që kuroheshin vetëm me hormone estrogjeni.
Kenet Nollër, i Departamentit të Obstetrikës dhe Gjinekollogjisë, pranë Universitetin ”Tuffts” të Bostonit, thotë se ekziston një lidhje e mundshme midis estrogjenit dhe kancerit në vezore, që është me të vërtetë shqetësuese. Nollër thotë se etsrogjeni nuk duhet dhënë më si më parë, pa asnjë farë kufizimi.
”Mundet që të ketë ende një numër të vogël personash që marrin hormonin e estrogjenit, por tani kjo kurë nuk duhet të jepet më si më parë, pra, si një formë kurimi për sëmundjet e ndryshme gjinekologjike”.
Kohët e fundit, shkencëtarët e qeverisë amerikane e ndërprenë studimin për terapinë me estrogjen dhe progesteron, pas të dhënave që tregonin se terapia e kombinimit, e përdorur për një kohë të gjatë, shton në mënyrë të ndjeshme rrezikun e kancerit të gjirit, sëmundjes së zemrës dhe të hemoragjisë cerebrale.

Hormonet dhe disa receta erotike

Hormonet janë me shumë rëndësi për funksionimin normal të trupit. Ato shërbejnë për të mbajtur balancën kimike të trupit dhe influencojnë në shumë drejtime. Një nga këto drejtime është të rritin aftësinë seksuale dhe kënaqësinë që marrim prej saj.


Të ashtuquajturat hormonet e seksit, sekretohen nga organet seksuale dhe nga korteksi adrenal. Në kushte normale, si burrat edhe gratë, prodhojnë një sasi të vogël hormonesh të gjinisë tjetër.

Transseksualët, para se t'u nënshtrohen operacioneve për të ndërruar seksin, marrin një sasi të madhe hormonesh të gjinisë që do të adoptojnë. Këto hormone i marrin për një kohë të gjatë. Qëllimi është që të realizojnë shndërrimin e tyre seksual. Mjekët i përshkruajnë hormonet për të mjekuar pacientët, me mangësi të vogla seksuale.


Hormonet seksuale femërore - Janë dy: estrogjeni dhe progesteroni. Këto dy hormone kontrollojnë ciklin menstrual normal dhe u japin grave karakteristikat seksuale sekondare. Influenca e tyre mbi sjelljen seksuale, varion nga njëra grua tek tjetra. Hormoni i parë femëror, estrogjeni, ka efekt afrodiziak, por jo aq të fortë sa testosteroni (hormoni mashkullor).


Menjëherë para menstruacioneve, kur niveli i hormonit estrogjen është i lartë, shumë gra provojnë rritje të dëshirës seksuale dhe në këtë periudhë të ciklit e arrijnë më me lehtësi orgazmën.


Të njëjtin efekt kanë dhe pilulat që përdoren për kontrollin e lindjes, sepse ato kanë sasi të mëdha estrogjeni. Pas menopauzës, niveli i estrogjenit bie dhe bashkë me të bie dhe dëshira e gruas për seks. Kur gruaja që është në menopauzë merr doza të mjaftueshme estrogjeni, dëshira e saj për seks do të rritet.

Hormoni i dyte femëror është progesteroni. Ky hormon ka efekt më të vogël afrodiziak dhe në raste të veçanta mund ta frenojë eksitimin seksual. Kjo është vërtetuar në ato gra që marrin si antikonceptive minipilulat, që kanë vetëm progesteron.

Hormonet seksuale mashkullore - Hormonet seksuale mashkullore janë stimulantë seksualë të fortë. Androgjenët, siç quhen këto hormone, janë afrodiziakët hormonalë më të fuqishëm, si për burrat edhe për gratë.

Androgjenët kontrollojnë zhvillimin e karakteristikave seksuale sekondare tek burrat dhe ndihmojnë në prodhimin e spermatozoideve. Ato influencojnë mbi apetitin dhe metabolizmin. Influencojnë në mënyrën e sjelljes seksuale, veçanërisht, në dominancën dhe vigorin seksual.

Çdo grua prodhon një sasi të vogël testosteroni në ovaret e saj. Gratë me ovare të mëdha ose policistike, prodhojnë më shumë hormon mashkullor. Kjo rrit energjitë dhe dëshirën e tyre seksuale.

Sasi të mëdha hormoni shkaktojnë edhe fenomene anësore, siç janë rritja e theksuar e qimeve në fytyrë, regjistër zëri më të ulët, ose muskuj më të zhvilluara. Kjo karakteristika e fundit, shpjegon arsyen pse bëhen diskutimet për sasinë e hormoneve mashkullore të lejueshme, për gratë atlete që konkurrojnë në garat sportive.
Pas menopauzës, ose pas heqjes së ovareve, tek gratë ulet gradualisht prodhimi i testosteronit. Kjo bën që të ulet shumë edhe dëshira seksuale. Kur gratë marrin mjekim për zëvendësimin hormonal pas menopauzës, ato përgjigjen edhe seksualisht më mirë. Ato ndjehen më të afta të arrijnë orgazmën, veçanërisht kur marrin edhe testosteron. Veç veprimit afrodiziak të fuqishëm, testosteroni forcon kockat, muskujt dhe pakëson lodhjen.
Tek burrat, androgjenët, gjithashtu veprojnë si afrodiziakë. Testosteroni përdoret për të mjekuar impotencën seksuale mashkullore.




Oestrogena - (oestrus - greqisht + gènos - lindje, prejardhje, origjine).
Oestrogena lexohet ne shqipe estrogjene, qe esht lende hormonale seksuale femerore.

Estrogjeni esht hormon femeror qe kontrollon shenjat femërore, midis tyre dhe rritja e gjinjve.

Shumica e njerëzve mendojnë se estrogjeni është një hormon ekskluzivisht femëror, por duhet të dini se estrogjeni prodhohet edhe në trupin e burrave, ndonëse në sasi të vogla.

Estrogjeni tek burrat ndihmon:
- të rregullohet densiteti i kockave,
- prodhimin e spermatozoideve(spermes, fares)
- ne formen seksuale te femres

Estrogjeni (estrogjenet) esht nje grupe prej hormonesh steroidesh, qe i perkasin hormonit te gjinise femerore. Estrogjeni gjendet edhe te burrat, por me permasa me te medha gjendet te femrat. Estrogjeni esht nje substance hormonal per zhvillimin e veçorive sekondare seksual te femra. Si psh. te gjoksi dhe nje hormon rregullativ per ciklin e menstruacineve.