Shqiptarët kërkojnë gjuhën e tyre në Parlamentin malazez

Print Friendly, PDF & Email

Lexuar 3416
Podgoricë – Përfaqësuesit politikë të shqiptarëve në Parlamentin e Malit të Zi, ditën e enjte kanë kërkuar që t’u mundësohet përdorimi i barabartë i gjuhës së tyre amtare e shkrimit dhe për këtë të hapet edhe zyra e përkthimit nga gjuha shqipe dhe në gjuhën shqipe.

Deputeti dhe kryetari i Lidhjes Demokratike në Mal të Zi, Mehmet Bardhi, thotë se në Kuvendin e Malit të Zi nuk zbatohet e drejta e shqiptarëve e përdorimit të barabartë të gjuhës dhe alfabetit të tyre, njofton KosovaLive.

“Nëse demokracia fillon në Parlament, pikërisht ai duhet të jetë shembull edhe në respektimin e gjuhës amtare të shqiptarëve dhe të shkrimit të tyre”, thotë Bardhi.

Ndërkaq, ligjvënësi i krahut të opozitës, ai i Partisë Demokratike Serbe, Budimir Aleksiq, i cili nuk e njeh gjuhën malazeze, kërkon gjuhën serbe dhe shkronjat cirilike, duke thënë se “kryeparlamentari malazias flet e shkruan një gjuhë që nuk e kuptojmë fare, me do shkronja të çoroditura”.

Karshi tij, deputeti i Partisë Boshnjake, Sulo Mustafiq, shprehet se po merren vesh shumë mirë, meqë gjuha serbe, ajo malazeze, boshnjake dhe kroate janë gjuhë të një baze linguistike dhe nuk ka nevojë për përkthim.
Koha Ditore

Lexoni më shumë nga kjo kategori

Shpërndaje

Google1DeliciousDiggGoogleStumbleuponRedditTechnoratiYahooBloggerMyspaceRSS
Posted by on 02/11/2011. Filed under Mali i Zi. You can follow any responses to this entry through the RSS 2.0. You can leave a response or trackback to this entry

One Response to Shqiptarët kërkojnë gjuhën e tyre në Parlamentin malazez

  1. pranvera

    10/01/2012 at 21:04


    PDIU, Bido: Ligji malazez që ndalon flamurin, antishqiptar dhe diskriminues

    Nga Enkelejda Gjuzi
    Në një deklaratë për mediat , Partia Drejtësi Integrim dhe Unitet ka theksuar se projekt-ligji i ri që pritet të kalojë në parlamentin Malazez dhe që parashikon heqjen e flamurit shqiptar nga përdorimi është antishqiptar dhe diskriminues, pasi ky projektligj dëmton të drejtat e minoritetit shqiptar. Sipas sekretarit për Marrëdheniet me Publikun, i PDIU-së, Ardit Bido, PDIU është e bindur që ky projekt-ligj dëmton rëndë pakicën shqiptare në Malin e Zi dhe përbën një shkelje flagrante të standardeve evropiane të të drejtave të minoriteteve prandaj ngre zërin që ky ligj mos të kaloj dhe kërkon që Republika e Malit të Zi të dëshmojë respekt për të drejtat legjitime të banorëve shqitptarë. Ndërkaq PDIU, i bën thirrje gjithë faktorit shqiptar në Ballkan të reagojë në kundërshtim të këtij pr/ligji, që të heqin dorë nga kthimi prapa në politikat shoviniste dhe diskriminuese.
    E martë, dt.10.1.2012
    http://www.standard.al

Komento