Ramiz Alia: Kurrë nuk do të lejojmë restaurimin e pushtetit politik të armiqve tanë

Print Friendly, PDF & Email

Lexuar 3121
“Si do ta përjetësojmë komunizmin” – “Të jeni te sigurt që e ardhmja do të jetë jona. Kurrë nuk do të lejojmë restaurimin e pushtetit politik të armiqve tanë!”
TIRANË – “Sistemi ynë tanimë është drejt kapitullimit përballë sistemit kapitalist. Kështu na lind si detyrë që të ndryshojmë strategjinë tonë.

Do të arrijmë që nga klasa komuniste të krijojmë klasën kapitaliste, e cila do të na përjetësojë në pushtetin politik të së ardhmes, që e kemi planifikuar dhe po e përgatisim vetë. Sistemi yne ka kapitulluar përballe atij kapitalist, ndaj jemi te detyruar te ndryshojme strategji.

Kjo strategji do të ndryshojë në dy drejtime:

1. Në respektimin e të drejtave të njeriut.
2. Në krijimin e pluralizmit politik.

Me këto të fundit edhe mund të abuzohet, pasi të drejtat janë gjëra që rregullohen brenda përbrenda me ligj, por pluralizmi duhet të vendoset patjetër.
Le të krijojnë kundërshtarët tanë parti të djathta, të majta apo të qendrës, madje do t’i nxisim dhe ne vetë, por kryesore është që të gjitha këto parti të kontrollohen nga ne vetë. Për këtë, edhe programet e themelimit duhet t’i formulojmë ne. Për drejtimin e këtyre partive duhet të gjenden njerëz që të përkrahin strategjinë tonë. Partia që do të marrë pushtetin, jo vetëm që është e lirë të shajë pushtetin, por këtë ta bëjë fort, sepse kështu do të fitojmë simpatinë e Perëndimit dhe të disidencës antikomuniste.

 

Të persekutuarit politikë

Ata që janë nëpër burgje, të dënuarit dhe të persekutuarit politikë antikomunistë, sigurisht që do të na shajnë. Por edhe pse këta e urrejnë komunizmin, do ta shihni që do të na vijnë afër dhe do të na përkrahin. Këta do t’i afrojmë dhe do t’u japim punë të ndryshme, por jo të rëndësishme; por kurrë nuk do t’i lëmë të na përvetësojnë pushtetin. Dhe e dini pse?! Sepse sapo të marrin fuqinë, do të fillojnë të hakmerren dhe do t’u shërbenin atyre, në vend që ta të na shërbejnë neve. Në zbatim të drejtave të njeriut, duhet t’u japim edhe kompensimin në para, të burgosurit polikë t’i kompletojmë me komoditetet banimi. Të sekuestruarve dhe të shpronësuarve do t’u japim nga një letër në dorë që t’u njihet prona, por prona vetëm në pak duar do të bjerë, pasi ligji do t’i ngatërrojë njëri me tjetrin. Por një gjë duhet të kemi parasysh; të kemi kujdes nga fëmijët e të persekutuarve politikë, pasi ata vetë janë aq pleq apo të sëmurë sa mezi rrinë në këmbë. Kësaj kategorie mendoj që t’i japim pasaportë për t’u larguar nga Shqipëria më mirë dhe me kaq do të jenë të kënaqur. Pasuria e tyre na përket neve, sepse ne e bëmë.

 

Për Kosovën

Gorbaçovi më dërgoi disa dokumente e plane dhe po i studioj prej kohësh. Ata janë shumë më përpara se ne, por këto janë gjëra që ne i kemi diskutuar afërsisht dhe jo me të gjithë anëtarët e Byrosë, pasi nuk dihet se kush është miku dhe kush është armiku. Kjo është një mbledhje vetëm për ne më të besuarit, ndaj le të flasim hapur. Ne kemi kuadro sa për shtatë Komitete Qendrore, pra frika nuk duhet të ekzistojë. Shumë intelektualë do të na kundërshtojnë, por me ta do të rregullohemi duke u dhënë punë apo ngritur paksa rrogën. Problem mund të jenë intelektualët pensionistë. Këtyre do t’u ofrojmë krijimin e Shoqatës së Veteranëve të Luftës dhe të Punës, pastaj do t’u japim nga një minipension. Kosova është në pragun e shpalljes së Kushtetutës. Është punë e tyre, ne e kemi programin dhe platformën tonë.
Strategjinë është e qartë dhe kemi kemi përcaktuar rrugët për zbatimin e qëllimit dhe të misionit tonë. Nën një propagandë ekstreme kundër komunizmit dhe me disa ndëshkime të vogla, sa për sy e faqe ndaj nomenklaturës së lartë komuniste.

 

Strategjia e re

Ne, komunistët reformatorë, do të zbatojmë strategjinë tonë në ekonomi, sipas së cilës kapitalistët dhe pronarët e ardhshëm në një vend socialist të jemi ne apo njerëzit tanë. Me strategjinë tonë të re, brenda dy-tre legjisaturash do të arrijmë që nga klasa komuniste të krijojmë klasën kapitaliste, e cila do të na përjetësojë në pushtetin politik të së ardhmes.
Të jeni të sigurtë që e ardhmja do të jetë jona. Kurrë nuk do të lejojmë restaurimin e pushtetit politik të armiqve tanë. E ardhmja e fëmijëve tanë do të jetë e mrekullueshme, gjithnjë e sigurt, sepse për këtë kemi derdhur kaq gjak dhe do të derdhim përsëri po të jetë nevoja. Shqipërinë do ta gëzojmë Ne dhe pasardhësit tanë. Po rastisi që të na e përvetësojnë pushtetin apo të rrezikohemi, atëhere mos u gëzofshim asnjëherë, nëse nuk do të dimë t’i mbrojmë fitoret e arritura, qoftë edhe me grykën e pushkës, si në rininë tonë të hershme. Ndaj, për të mbrojtur mbajtjen e pushtetit duhet të jemi të përgatitur në të dyja anët; në rrugën paqësore dhe në atë të luftës së armatosur.

 

Kërcënimi

Ne jemi të përgatitur për të dyja rrugët; kemi njerëzit e vendosur dhe guximtarë, të cilët i kemi përgatitur me sakrifica e mund për vite me radhë, por kemi edhe organet tona të dhunës. Ndaj, mjerë ata që do të guxojnë të na kundërvihen. Jua them këtë që të mbani lart moralin dhe asnjëri prej jush të mos ketë frikë. Nëse do të jetë e nevojshme, do të kemi edhe mbështetjen e aleatëve të jashtëm ideologjikë në pushtet, që ju i dini mirë se sa na kanë ndihmuar. Pavarësisht konflikteve të fundit që kemi patur me ta, duhet ta dini se na bashkon kauza e pushtetit të komunistëve, pavarësisht nga nuancat dhe përplasjet e përkohshme. Përveç aleatëve ideologjikë, do të kemi edhe mbështetjen e aleateve të Perëndimit, me të cilët kemi ruajtur fijet e lidhjeve të vjetra për hir të interesave të mëdha. Këta të fundit do t’i përdorim vetëm nëse do të jetë shumë e nevojshme. Shoku Enver dikur, dhe unë sot, i kemi ruajtur këto lidhje të që garantojnë pushtetin tani edhe në të ardhmen, përgjithmonë!

Ju garantoj se pavarësisht nga rrethanat e vështira aktuale, sido që të shkojnë punët, uji do të rrjedhë në mullirin tonë. Për këtë jeni të garantuar sot e përgjithmonë. Kërkoj nga ju që të mos keni frikë, të mos shtrëngoni radhët dhe të mos dekurajoheni nga situatat e vështira që po kalojmë, sepse në fund të fundit rëndësi ka pushteti, që do të jetë plotësisht yni. Ju uroj punë të mbarë, mobilizim dhe mendje të kthjellët! Mbajeni mend: Fitorja dhe pushteti do të jenë përjetësisht tona!
Do të bisedojmë dhe do të vendosim përsëri në përputhje me evoluimin e situatave.

Ju uroj punë të mbarë!
Me kaq mbledhja mori fund.
Ditën e mirë dhe mirupafshim!

Tetor, 1989.
Gazeta “Illyria” f. 11 2/19/04

 

Lexoni dhe Komploti kundra demokracisë shqiptare

Lexoni më shumë nga kjo kategori

Shpërndaje

Google1DeliciousDiggGoogleStumbleuponRedditTechnoratiYahooBloggerMyspaceRSS
Posted by on 18/04/2011. Filed under Krimet komuniste shqiptare. You can follow any responses to this entry through the RSS 2.0. You can leave a response or trackback to this entry

3 Responses to Ramiz Alia: Kurrë nuk do të lejojmë restaurimin e pushtetit politik të armiqve tanë

  1. Afërdita Kusi

    10/08/2011 at 16:57


    Lexoni këtë link ju lutem.

    https://www.proletari.com/?p=6016

  2. reshati

    18/04/2011 at 21:49


    Projekti i Gorbacovit është zbatuar pikë për pikë prej Bamir Topit qysh kur ishte si nënkryetar i PD-ës, si kryetar i grupit parlamentar i PD-ës, prej Sali Berishës, prej Fatos Nanos, Ilir Metës, Pandeli Majko dhe edvin kristaq rama.

    Fajin kryesor e kanë fëmijët e të përsekutuarve që braktisën Shqipërinë për të cilën u torturuan, u përsekutuan, dhanë jetën dhe ja lanë si peshqeshë me dëshirë a pa dëshirë.
    Ju a lanë peshqeshë kriminelave të familjeve tyre Shqipërinë dhe prej gojës tyre ndigjohen sharje grashë jo kundër pushtetembajtesve ”demokratë” por kundër atyre që janë idealista kundër komunistave.
    Populli shqiptar te klasa e përsekutuar shikon te ju busullën, frymëzimin, drejtimin e një revolucioni mbarë popullor kundër administratës vjetër të kalbur komuniste me fytyra e kollare të reja.
    Historia do ti ndëshkoji klasën e persekutuar që i dhuroi vullnetarishtë pushtetin edhe trashegimtarve të klasës komuniste. Dënimi më i madhë do të jetë që pronat e tyre kurrë nuk do t’i marrin duke hëngër mish e pilaf në Amerikë, Australi,….e duke bë seksë nëpër shtëpia publike.

  3. Dushi

    18/04/2011 at 19:12


    Kur e lexon kete shkrim dhe i ben nje sinteze asaj qe ka ndodhur deri me sot, atehere kuptohet me vertet se çfare komploti, qe edhe sot vazhdon i qenka bere ne kurriz demokracise dhe popullit shqiptar. Vazhdoni i dashur populli im te votoni dhe te vriteni per ata per te cilen ju masakruan familjen dhe po vazhdojne tju shesin drogen e kuqe kapitaliste moderne dhe tju mbushin barkun me uje te gazuar, dhe ju i duartrokitni pa vene trurin ne pune dhe pa menduar se çfare po ndodh rreth vehtes. O ne jemi popull injorant dhe s’ka shkolle qe na hap syte. As interneti dhe dalja e te vertetave nuk na fusin ne mendime per ate te cilin po i japim voten, duke menduar se po heqim komunizmin po ai po lulzon dita dites edhe me shume fale manipolimit kapitalist qe po bejne ish komunistat e hoxhes. Djaj te kuqe qofshit mallkuar…

Komento

Questo sito usa Akismet per ridurre lo spam. Scopri come i tuoi dati vengono elaborati.