Ndahet nga jeta sopranoja lirike shkodranja Florinda Gjergji(Fishta)

Print Friendly, PDF & Email

Lexuar 4311
Shkodër: I jepet lamtumira këngëtares Florinda Gjergji.
– Është përcjellë të Mërkuren e datës 16 Qershor 2010-të për në banesën e fundit këngëtarja e mirënjohur shkodrane, Florinda Gjergji, e cila një ditë më parë u nda nga jeta në moshën 82 vjeçare, duke lënë pas një karrierë shumë të pasur në fushën e artit.

Qytetarë të shumtë shkodranë e më gjërë, miq dhe dashamirës të kësaj këngëtareje që i dha shumë artit shkodran dhe atij shqiptar, bënë homazhe pranë arkivolit të vendosur në hollin e teatrit “Migjeni” të Shkodrës. Homazhe bënë edhe prefekti Maxhid Cungu, kryetari i qarkut Gjovalin Kolombi, kryebashkiaku Lorenc Luka, si dhe përfaqësues të MRKS, Teatrit Kombëtar të Tiranës etj.
“U nda nga jeta një soprano e mirënjohur. I japim sot lamtumirën e fundit “Mrikës” së paharruar, artistes së merituar Florinda Gjergji. Sot muzika lirike shqiptare në përgjithësi dhe ajo shkodrane në veçanti, është më e varfër, sepse nuk jeton më interpretuesja dhe protogonistja e operas së parë shqiptare”, tha në ceremoninë e homazheve shkrimtari dhe dramaturgu i njohur shkodran, Fadil Kraja.

Florinda Gjergji është një nga këngëtaret më të vjetra të qytetit të Shkodrës, por edhe të vendit tonë, e cila në një jetë bashkëshortore 50 vjeçare me shokun e jetës, këngëtarin shkodran po aq të njohur Ndrekë Gjergji, kanë spikatur me interepretimet në duet në sa e sa këngë që janë kthyer në hymn për gjithë qytetin e Shkodrës.
Debutimin e saj të parë në skenë e ka pasur në moshën 18 vjeçare e duke ecur më pas në gjurmët e këngëtares se mirenjohur Marie Kraja, u bë një ndër zërat më të preferuar të artedashësve shkodranë. Vlerat e kësaj këngëtareje janë shoqëruar me tituj të shumtë të akorduar per te, si “Artiste e Merituar”, titulli i akorduar nga Këshilli Bashkiak i Shkodrës “Krenaria e Qytetit” etj.
(e.n/ata/BalkanWeb)

Lexoni më shumë nga kjo kategori

Shpërndaje

Google1DeliciousDiggGoogleStumbleuponRedditTechnoratiYahooBloggerMyspaceRSS
Posted by on 06/07/2010. Filed under Përkujtimore. You can follow any responses to this entry through the RSS 2.0. You can leave a response or trackback to this entry

Komento