Mrekullia dhe burimi i saj

Print Friendly, PDF & Email

Lexuar 2630
Mrekullia dhe burimi i sajShpeshherë kemi dëgjuar raste të ndryshme që tregojnë të ashtuquajturen mrekulli apo çudi,  apo dukuri të pa shpjegueshme nga shkenca por vetëm nga feja. Shpesh i kemi bërë pyetje vehtes a është e vërtetë?, dhe shpesh kemi hyrë në një gjendje konfuze të mjegulltë ku ti japësh përgjigje kësaj pyetje nuk është e lehtë edhe pse kemi shumë vegla(instrumente) shkencore për të kërkuar të vërtetën. Mirëpo e vërteta ndodhet pikërisht brenda nesh në trurin tonë.

Shpjegohem: Kemi dy përgjigje që plotësojnë njëra-tjetrën.

E para është Shkenca.

E dyta Feja.

 

*Sipas Shkencës

 Shkenca ka shekuj që mundohet ti japë përgjigje këtyre dukurive të quajtura “mrekulli”. Historia shkencore na mëson se shkenca ka përjashtuar çdo tezë që mbështetet në abstrakten, pra jo të provueshmen, mirëpo kohët e fundit shkencat e mjekësisë siç është  psikiatria apo dhe psikologjia në kërkimet e tyre në drejtim të organit më misterioz të njeriut Trurin ka zbuluar shumë zona të saj që nuk janë të kontrollueshme ose më mirë të themi që nuk i dihet burimi energjik nga i cili ushqehen pasi kemi njerëz që me forcën e trurit arrijnë në njëfarë mënyre të mposhtin edhe forcat e gravitetit dhe inercis dhe kjo ka ngjallë jo pak debate mbi çështjen në fjalë.

Akoma edhe sot shkenca është e pafuqishme që të dalë në konluzion në lidhje me këtë temë edhe pse ka përcaktuar saktësisht se kjo forcë apo dukuri e quajtur edhe ndryshe “mrekulli” e ka burimin nga truri duke mos përcaktuar prejardhjen apo burimin e saktë brënda organit Tru.

Pra sipas shkencës kemi aprovimin që truri prodhon kapacitet të panjohur duke sjellë dukuri jo normale apo të pashpjegueshme në të ashtuquajturen “mrekulli”.

 

*Sipas Fesë

Të gjitha fetë papërjashtim  kanë një emërues të përbashkët Zotin si forcë të mbinatyrshme dhe si zotërues i gjithësisë apo universit. Pa dashur të trajtoj apsolutisht asnjë nga fetë në mënyrë teologjike por vetëm shkencore. Unë do marr shembull tre fetë më të përhapura në botën njerëzore:

Krishtërimin

Budizmin

Islamin

 

Krishtërimi

Bibla apo dhe Shkrimi i Shenjtë na sjellë nëpërmjet fjalës fakte që në fillimin e jetës dhe deri tek përjashtimi i njeriut nga kopshti i Edenit ku ndodheshin shumë pemë dhe fruta Zoti u ndalon të vetmen Mollën. Kemi Krijuesin e tyre Zotin që u thotë çfarë duhet të bëjnë duke u kujdesur për njeriun meqë ishte shëmbëlltyrë e tij(Zotit). Mirëpo gruaja Eva e kafshon frutin e ndaluar Mollë(e gënjyer nga ëngjëlli Luciferr) duke detyruar edhe burrin Adam të bënte të njëjtën gjë dhe me këtë ata tashmë kishin përfituar Inteligjencën(e cila ndodhet në organin Tru) dhe për këtë Zoti i dëbon nga kopshti dhe për dënim u jep planetin Tokë ku do të jetojnë.  Dhe këtu Zoti u thotë tashi me ngrënien e mollës keni përfituar Inteligjencën e cila do ju duhet për ta vënë në funksion për të krijuar jetën dhe vazhdimsinë tuaj në Tokë. Pra me këtë na lë të kuptojë se fruti i ndaluar kishte “fuqinë” e mistershme të kapacitetit me të cilën njeriu do të mbijetonte. Kjo Inteligjencë ndodhet në organin e vetëm të mistershëm Trurin. Mos të harrojmë inteligjencën apsolute që e dallonte Jezusin nga njerëzit e tjerë.

Po ashtu dallojmë mënyrën me të cilën të krishterët luten dhe i thurin lavde Zotit duke u nisur me plotësimin e dhjetë urdhërimeve që Zoti nëpërmjet Moisiut(profet) i jep njeriut që ti zbatoj ku në të bëjnë pjesë “duaje tjetrin siç do vetvehten” , “duaje Zotin më shumë se vehten” apo dhe “në qoftë se të qëllojnë në njërën faqe ju tregoni faqen tjetër duke e falur”. Pikërisht në këto urdhërime kemi forcën e inteligjencës që duhet ti dëshifroj për të arritë atë të cilën konsiston në të vërtetë ajo që Zoti i urdhëron njerëzit. Dhe për këtë përhapësit dhe respektusit e Krishtërimit me në krye bashkimin e Krishter, Vatikanin duke çuar meshë(lutje ndaj Zotit) ata duhen të përgatiten për vite me radhë në mënyrë që Inteligjenca e tyre të ushtrohet dhe të dëshifroj mesazhin e vërtetë për njeriun në mënyrë që ai nëpërmjet kësaj të zhvilloj në trurin e tij mjetet e nevojshme për të bashkëjetuar me njerëzit e tjerë.
Pra Truri është qëndra që drejton edhe abstrakten Shpirtin.

Budizmi

Sipas fesë budiste që është e mbështetur edhe më qartë në njeriun dhe aftësitë e tij të mbinatyrshme na jep  një tabllo shumë të thjeshtë ku njeriu me anë të meditimit dhe Trurit ai arrin të hyj në botën e hyjshme ku mund të flas edhe me shpirtin i cili është i pavdekshëm por që mishërohet sipas vendimit që merr nga një qënie njerëzore ashtu edhe nga një qënie tjetër. Budizmi i jep rëndësi parësore forcës së Trurit dhe zbulimit të energjisë që ndodhet në Tru. Shpesh herë konvertimi që bën njeriu në këtë fe është se nuk arrin të ushtrojë Inteligjencën e tij nëpërmjet feve të tjera.
Pra kemi budizmin që Trurin e vë në qendër të saj si organi ndërmjetës i komunikimit të hyjnishëm apo mbinatyrshëm.

Islami

Në Islam kemi të evidentueshëm shumë qartë si erdhi fjala e Zotit në një njeri që nuk dinte të shkruante dhe të lexonte. Këtu duket akoma edhe më qartë sesi Zoti i dha Inteligjencë për të përhapur fjalën e tij njerëzve nga një njeri që e kishte por nuk e kishte ushtruar kurrë. Kështu që erdhi dhe Kurani duke përsëritur mesazhin e Zotit njeriut në një formë të ndryshme nga Krishtërimi por që gjithmonë dishiplinonte njeriun në mënyrë që ai të kishte një bashkëjetesë të lumtur në Tokë. Duke qartë dhe në faljet e muslimanëve ku rregullat e faljes dhe mënyrat kanë të bëjnë me një ushtrim të Inteligjencës së njeriut në mënyrë që të përmirësoj jetën shpirtërore dhe paqen në bashkëjetesë me njerëzit e tjerë.
Pra edhe këtu Truri luan një rol të veçantë në jetën njeriut.

Në konkluzion siç edhe del qartë është se Feja është njohës i mirë i trurit dhe kapacitetit të tij që ka në lidhje me dukuritë e ndryshme që njeriu përballet dhe që i quan Mrekulli.

Pra nga kjo rrjedh që në Trurin e njeriut ndodhet një forcë e mbinatyrshme e cila mund të jetë në gjendje të bëj “Mrekulli” duke shfrytëzuar kapacitetin e saj të plotë të mistershëm.

Shënim: I lutem besimtarëve që mos ta marrin  në mënyrë të gabuar(n.q.s mungon ndonjë detaj) këtë artikull pasi ka si qëllim vetëm një hipotezë e bazuar në shkencë dhe besim fetar që unë shtroj për diskutim asgjë më shumë. Ju faleminderit për mirëkuptimin.

Edmond Pjetri/Proletari.Com

Lexoni më shumë nga kjo kategori

Shpërndaje

Google1DeliciousDiggGoogleStumbleuponRedditTechnoratiYahooBloggerMyspaceRSS
Posted by on 14/10/2011. Filed under Mendimi shqiptar. You can follow any responses to this entry through the RSS 2.0. You can leave a response or trackback to this entry

One Response to Mrekullia dhe burimi i saj

  1. Qerimi

    14/10/2011 at 20:22


    Shkrimi i Edmond Pjetrit “Mrekullia dhe burimi i saj” është një trajtimi shkencor. Një temë abstrakte në aspektin e saj dhe ka përdorë si metodë shqyrtimit metodën e abstraksionit. Pikat e mistershme që gjenden në tru autori i ka shpalosë në dy profile:
    – Në vështrimin shkencor
    – Në vështrimin teologjik

    Në veçanti dhe në sintezë ka spjeguar saktë konceptin e Mrekullisë dhe burimit të saj. Aty në trurin e njeriut ndodhë mrekullia, por ana tjetër del nga shkrimi se spjegimin e burimit e gjen te misteri i Hyjnisë, që ateizmi, industria e shoqërisë të konsumit nuk arrin ta imagjinojë dhe joqë ta kuptoj.
    Njerzimi ka nevojë t’u japi çelsin e kuptimit të kësaj misteri në Mrekullitë ,,çudibërëse,,. Sipas autorit konkludoj se nuk ka mistere të pakuptueshme të kudo-ndodhur sepse nëse njeriu i referohet Zotit që është e miratuar nga OKB-ëja e gjen përgjigjen. Nëse i kthen shpinën Zotit atëhere mbeten fenomenet shkencore mistere të paspjegueshme. Mungesa e interpretimit të fenomeneve të pashpjegueshme nga pikpamja hyjnore krijon zhbrazëti, kaos dhe manipulim nga gangsterët ateist që kanë uzurpuar pushtetet, bankat, parlamentet etj.
    Një shkrim fantastik i Edmond Pjetrit është model i abstraksionit bindës. Unë them në fund se autori e ka suksesin e shkrimit se arrin të bindë jo vetëm besimtarët në Zotin, por edhe në njerëz anti Zoti.
    E premte, më datën 14 tetor 2011.

Komento

Questo sito usa Akismet per ridurre lo spam. Scopri come i tuoi dati vengono elaborati.