Mendesia shqiptare, mendimtaret shqiptare dhe krijimit i mendimit shqiptar
Moderatorë: Laert, I-AMESHUAR
Posto një përgjigje 15 postime · Faqe 1 prej 2 · 1, 2
SHBA dhe Be kundër Grushtit të Shtetit të 21.1.2011!
Avatari i antarit
Drejtues

Poste: 4572
Antarësuar: 28 Janar 2009, 13:10
Të huaj për dhunën politike të 21 janarit 2011 të ushtruar nga kryebanditi Edvin Kristaq Rama me 300 bashibozukë otoman

Imazh
1. Zv/Ndihmës Sekretari i Shtetit për Evropën Tom Kantrimen

Zëri i Amerikës
Thomas Countryman: E premtja, 21 janari, ishte një ditë e trishtueshme për gjithë shqiptarët, veçanërisht për shkak të humbjes së jetës së tre personave gjatë dhunës politike.

Zëri i Amerikës: Opozita ka kërkuar zgjedhje të parakohshme. A mendoi se ato janë një alternativë për zgjidhjen e problemeve?

Tom Kantrimen: Jo.

Tom Kantrimen: Ajo që është e nevojshme tani është qetësimi i atmosferës. Nuk duhet të ketë më demonstrata,


Imazh
2. Tekst i Konferencës për Shtyp nga
Ambasadori i SHBA Aleksandër Arvizu (22 Janar 2011)

Ambasadori Arvizu: Kemi nxitur vazhdimisht për qetësi dhe vetëpërmbajtje dhe që tubimet të jenë paqësore. Tubimi i djeshëm nuk ishte paqësor. Kishte mijëra njerëz në rrugë dhe shumica dërrmuese e tyre, nga sa mund të shikoja, arritën me mjete dhe qëllime paqësore. Por, ishte një grusht i vogël personash që arritën me një axhendë tjetër. Për këtë, nuk ka dyshim. Për këtë pati edhe raportime nga dëshmitarë okularë të besueshëm. Duke pasur këtë në mend, po, jam shumë i shqetësuar mbi mundësinë për ndonjë demonstratë tjetër. Kjo nuk është kohë për të tjera demonstrata në rrugë.


Ambasadori Arvizu: Berisha, burrë shteti
27-01-2011 / Gazeta 55
Ambasadori amerikan në drekën me Sali Berisha tha më tej se është e pavend që Shqipëria anëtare e NATO-s të cenohet nga stabiliteti. Siç tha ai, një vend që eksporton siguri dhe stabilitet përmes kontingjenteve ushtarake në Irak dhe Afganistan meriton më shumë se sa një tentativë politike për demonstratë të dhunshme.


Imazh
3. Robert Hand, këshilltar politik pranë Komisionit Amerikan të Helsinkit, gjatë një interviste për programin në shqip të “Zëri i Amerikës”, më 27.1.2011

tha se opozita po përpiqet të minojë legjitimitetin e qeverisë dhe nuk është e qartë se si duan ta arrijnë ata këtë. Zoti Hand ka qenë disa herë në Shqipëri për të vëzhguar zgjedhjet. Ai tha se zgjedhjet e fundit të zhvilluara në Shqipëri u konsideruan të rregullta dhe të lira nga vëzhguesit ndërkombëtarë.

Ka gjithashtu një përplasje mes institucioneve; zoti Berisha refuzon t’i dorëzojë prokurorisë shefat e sigurisë për të nisur hetimet. A ju shqetëson kjo si diçka që duhet marrë seriozisht apo e shihni thjesht si një trysni ndaj prokurorisë?
Po. Mendoj se duhet marrë seriozisht. Kam dëgjuar se pjesë e arsyes që lufta e fjalëve është rikthyer, ka të bëjë me disa parregullsi teknike apo formulimet e gabuara në urdhrat e ndalimit.

Duke patur parasysh atë që po shikojmë tani në Shqipëri, mendoni se pranimi i Shqipërisë në NATO ishte i parakohshëm?
Unë kam marrë pjesë aktive në diskutimet për anëtarësimin e Shqipërisë në NATO kur u shtrua ky problem.


Imazh
Miroslav Lajçak
4. “Qeveria ‘Berisha’ legjitime, opozita të ndalë dhunën”
27-01-2011 / Gazeta 55I dërguari i BE-së për situatën politike në Shqipëri Miroslav Lajçak, takon kryeministrin Sali Berisha
I dërguari i Bashkimit Evropian dënon demonstratën e dhunshme të 21 Janarit dhe apelon për më shumë maturi dhe konstruktivitet politik në vijim, duke theksuar se tubimi i radhës i opozitës është gjetje e gabuar dhe se nuk i shërben realitetit evropian të Shqipërisë.
I dërguari i BE-së për situatën politike në Shqipëri Miroslav Lajçak, ka deklaruar se komuniteti evropian e njeh qeverinë e kryeministrit Sali Berisha si një qeveri legjitime, pas zgjedhjeve të 28 Qershorit 2009-ë, të cilat u vëzhguan nga ekspertë të Bashkimit Evropian dhe Shteteve të Bashkuara të Amerikës.
“BE kërkon nga të gjitha palët rivendosjen e dialogut politik në Parlament për të vijuar ecjen përpara me axhendën e integrimit evropian veçanërisht atë të statusit të vendit kandidat dhe përqendrimin të gjitha energjive në përgatitjen për zgjedhjeve lokale të 8 majit 2011”, ka deklaruar i dërguari special i Bashkimit Evropian, diplomati Miroslav Lajçak.

Imazh
Evaldas Ignatavičius - Zev - Ministër i jashtëm i Lituanisë

Ignatavicius ritheksoi qëndrimin e shprehur nga Kryesia Lituaneze e OSBE-së menjëherë pas zhvillimit të demonstratës, dhe nënvizoi nevojën e shmangies së dhunës dhe përmbajtjen e palëve nga përdorimi i gjuhës së ashpër politike dhe nga organizimi i demonstratave të tjera. Ai vuri theksin mbi nevojën e hetimit të ngjarjeve nga autoritet kompetente larg influencës së politikës. Pasi vlerësoi progresin e Shqipërisë në proceset integruese dhe liberalizimin e vizave, Iganatavicius nënvizoi se bashkëpunimi mes aktorëve politikë duhet të zhvillohet brenda kuadrit kushtetues.

E pregatiti Redaksia e Politikës të http://www.proletari.com
27.1.2011
''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Avatari i antarit
Drejtues

Poste: 4572
Antarësuar: 28 Janar 2009, 13:10
Joseph Daul Kryetari i grupit parlamentar të Partive Popullore Europiane (PPE) këshillon Edvin Ramën për rolin destruktiv që ka zgjedhë kundra demokracisë

Imazh


“Rama të dalë në zgjedhje lokale, të konfirmojë sa mbështetje ka”

02-02-2011 / Gazeta 55

Flet Joseph Daul Kryetari i grupit parlamentar të Partive Popullore Europiane (PPE)

Joseph Daul Kryetari i Partive Popullore Europiane (PPE), pohoi dje se opozita shqiptare duhet të ekzistojë brenda parlamentit dhe se atje duhet të luajë rolin e saj. Ai e ftoi opozitën të heqë dorë nga protestat e dhunshme.
Duke folur për mundësinë e bojkotit të zgjedhjeve lokale nga ana e opozitës, kreu i PPE-ve, i quajti “diktatorë” ata që refuzojnë zgjedhjet lokale.
Joseph Daul, kryetari i PPE-ve, i kërkoi Edi Ramës që në qoftë se ka pretendime se qeveria shqiptare nuk është legjitime, le ta provojë veten në zgjedhjet lokale.

Si e vlerësoni situatën aktuale në Shqipëri?

Kjo është e patolerueshme. Opozita duhet të ekzistojë brenda parlamentit, siç e luan rolin e saj këtu. Ne diskutojmë, bëjmë debat dhe votojmë. Është shumica që fiton, gjithmonë duke bërë kompromise. Kjo më shqetëson shumë.

Opozita do të bojkotojë zgjedhjet lokale dhe Bashkimi Europian po tregon vullnetin që të ndihmojë në këtë pikë. Është qëndrimi i duhur?

Duhet t’i jepet e drejta popullit për të zgjedhur dhe demokracia është kur ata zgjedhin vetë. Ata që nuk pranojnë këtë, janë diktatorë. Ne jemi duke parë të gjithë dosjen e Shqipërisë, por nëse nevojitet që ne të mbrojmë demokracinë, ne do të bëjmë gjithçka, që të arrijmë rezultat të mirë.

Cili është pozicioni juaj mbi demonstratat e dhunshme?

Dhuna s’ka sjellë kurrë gjë. Nëse bëhet fjalë për demonstrata në një diktaturë, ok, por Shqipëri është demokraci, dhe bën pjesë në Bashkimin Europian dhe ndaj duhet një menaxhim demokratik. Është për këtë arsye që ka zgjedhje çdo pesë vjet. Ajo që ju them votuesve të mi, është nëse unë punoj keq, brenda pesë vjetëve ju mund të më jepni një shkelm. Kjo është demokracia dhe ndonjëherë s’është e lehtë për të jetuar me të , ashtu siç s’është e lehtë për ta menaxhuar atë

Si i konsideroni deklaratat e liderit të opozitës që ka deklaruar se Komuniteti Ndërkombëtar nuk duhet të negociojë me qeverinë shqiptare, pasi sipas tij ajo nuk është legjitime?

Populli votoi dhe populli do të votojë sërish. Nëse ai thotë që nuk ishte legjitime, atëherë le të dalë në zgjedhjet lokale.
''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Avatari i antarit
Drejtues

Poste: 4572
Antarësuar: 28 Janar 2009, 13:10
Ministri i Jashtëm i Sllovenisë, Samuel Zgobar ashtë kundër dhunës ndaj institucioneve, hedhë poshtë përdorimin e akteve të dhunës nga opozita si rruga për të protestuar”
Imazh

Zbogar: Në Shqipëri sundon ligji, jo tolerim të akteve të dhunës ndaj institucioneve
02-02-2011 / Gazeta 55

I dërguari i Brukselit, Lajçak mbërrin nesër në Tiranë: Pres dialogun e palëve politike, përgatitje serioze për zgjedhjet e 8 majit

Bashkimi Evropian certifikon funksionimin e rendit ligjor dhe Kushtetues në Shqipëri, ndërsa apelon për sundimin e ligjit dhe dialogimin politik. Një fakt të tillë e pohon edhe ministri i Jashtëm i Sllovenisë, Samuel Zgobar gjatë një prononcimi për mediat në Tiranë, pas takimit të zhvilluar me homologun e tij shqiptar, Edmond Haxhinasto. “Nxitja e dialogut politik dhe mirëkuptimi mes palëve”- është mesazhi i ministrit slloven. Z.Zgobar tha se “Shqipëria ka bërë hapa të mëdhenj drejt integrimti dhe po ecën drejt marrjes së statusit të vendit kandidat dhe suksesi i Shqipërisë në integrimin europian ka rol kyç në rajon”. Duke iu referuar situatës aktuale politike në Shqipëri, ministri i Jashtëm slloven është shprehur se. “Është vendi ku sundon ligji, është shteti i së drejtës dhe janë pikërisht institucionet përkatëse që duhet të merren me atë çfarë ka ndodhur, duke hedhur poshtë përdorimin e akteve të dhunës nga opozita si rruga për të protestuar”- thotë ai. Sipas Zgobarit, integrimi i suksesshëm i Shqipërisë në Bashkimin Evropian mbetet një sfidë e këtij vendi, duke shtuar se BE po iu kushton sidomos vëmendje ngjarjeve të fundit tek ne. “BE është e shqetësuar për situatën në Shqipëri. Ditën e hënë këshilli i ministrave të jashtëm diskutoi se si mund të përfshihet dhe të ndihmojë Shqipërinë për të dalë nga kjo situatë. Shqipëria është në oborrin e brendshëm të BE-së dhe ajo që ndodh në Shqipëri ndodhe edhe në BE prandaj erdha këtu për të kuptuar më mirë se cilat janë problemet që diskutohen”- vuri në dukje Zbogar. Ndërkaq, të dy ministrat shprehën vlerësimin se Sllovenia dhe Shqipëria kanë marrëdhënie mjaft të mira me njëra-tjetrën dhe do bëhen përpjekje për të përmirësuar akoma më tej edhe në të ardhmen në të gjitha fushat.
''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Avatari i antarit
Drejtues

Poste: 4572
Antarësuar: 28 Janar 2009, 13:10
ARDHJA PËR TË DYTËN HERË Drejtori Ekzekutiv në Shërbimin e Jashtëm të BE-së Z.Miroslav Lajçak PËR TË NDIHMUAR QEVERINË DHE për të LËSHUAR PRESIONE DHE ULTIMATUME EKSPONENTVE TË GRUSHT SHTETIT SI Presidentit Topi, Edvin Ramës, Ina Ramës dhe Bahri Shaqirit
Imazh

BE: S’ka Zgjedhje të Parakohshme, bëni vendoret e 8 majit
04-02-2011 / Gazeta 55

I dërguari zyrtar i Europës ka shpallur dje në Tiranë vijat e kuqe për politikën shqiptare. Drejtori Ekzekutiv në Shërbimin e Jashtëm të BE-së, Miroslav Lajçak ka shqiptuar rekomandimet e Brukselit: S’ka zgjedhje të parakohshme, të hetohet në mënyrë të paanshme 21 janari dhe të gjitha palët të angazhohen për zgjedhjet vendore të 8 majit

I dërguari i Bashkimit Evropian në Tiranë për dialogimin e situatës politike, Miroslav Lajçak ka deklaruar dje se forcat politike duhet të përgatiten për zgjedhjet e 8 majit, ndërsa theksoi se në asnjë mënyrë nuk mund të zhvillohen zgjedhje të parakohshme. Deklaratën e tij zyrtari i lartë i Brukselit e bëri pas takimeve të zhvilluara me kryeministrin e vendit Sali Berisha dhe kreun e opozitës, Edi Rama.
Në një konferencë për shtyp, Lajçak deklaroi se për përmirësimin e situatës duhet të merren hapa konkretë si shmangia e dhunës dhe respektimi i ligjeve dhe institucioneve të vendit. Sipas tij, Shqipëria s’ka kohë për të humbur, por duhet të vazhdojë kursin e reformave të integrimit.
Në këtë sens, Lajçak kujtoi se forcat politike duhet të faktojnë bashkëpunimin si hap i rëndësishëm për zhvillimin e zgjedhjeve të 8 majit, ndërsa deklaroi se, në asnjë mënyrë nuk mund të zhvillohen zgjedhje të parakohshme, pasi siç tha ai kjo nuk është kompetencë e politikës, por e popullit shqiptar, i cili voton sipas ligjeve në fuqi dhe Kushtetutës së vendit.
“Lidhur me zgjedhjet vendore të datës 8 maj, ajo që doja të thosha është se, kjo është përgjegjësi e partive politike që të bëjnë përgatitjet e duhura në mënyrë që ato të jenë demokratike. Zgjedhje të parakohshme nuk mund të ketë. Është e pamundur pasi zgjedhjet nuk i përcaktojnë partitë politike, por janë qytetarët ata që votojnë sipas ligjeve dhe kushtetutës. Sipas kushtetutës është viti 2013-ë, viti i zgjedhjeve parlamentare. Momenti është që forcat politike të përgatiten për zgjedhjet vendore të 8 majit. Nuk duhet të harrojmë se vendi juaj ka ende shumë punë për të bërë gjatë gjithë këtij viti, për të arritur synimet e integrimit. Prandaj, ajo që unë po iu them politikanëve tuaj, është të dalin nga kjo çështje dhe të lënë institucionet përkatëse të kryejnë hetimet. Nga ana tjetër udhëheqësit tuaj politikë kanë përgjegjësi për të çuar vendin tuaj përpara. Po ashtu, ka një kalendar specifik, siç janë zgjedhjet e 8 majit. Prandaj, duhet të arrihen ato synime që janë kërkuar”, u shpreh Drejtori Ekzekutiv në Shërbimin e Jashtëm të BE-së.
Duke u ndalur te situata politike, Lajçak tha se ende ka tension dhe kjo impaktohet nga deklaratat e pakontrolluara të zyrtarëve politikë. Në këtë drejtim, zyrtari i Brukselit i apeloi qytetarëve shqiptarë që të shmangin provokimet e përfaqësuesve politikë. “Ka disa hapa konkretë të cilat duhet të merren. Jo dhunë, jo retorikë e zjarrtë, respekt të plotë për institucionet dhe për ligjin sipas kushtetutës.

AGJENDA E BE-s ËSHTË KUNDRA PËRSHKALLËZIMIT TË GRUSHT SHTETIT TË 21.I.2001
Imazh
SHIFENI GJESTIN E ULËT TË PREKJES ME DORË NEPËR FAQE TË NJË PERSONALITETIT - NJË SJELLJE PËRVERSE E EDVIN RAMËS QË E PRAKTIKON ME KODOSHAT E TIJ. KJO SOJ PREKJE ME DUAR NËPËR FAQE, KRAHË, SHPATULLA E BEL QË BËN EDVIN RAMA EDHE ME PERSONALITETE TË HUAJ ËSHTË E PANJOHUR PËR KOMUNIKIMET E AUTORITETEVE SHQIPTARE ME TË HUAJ DHE E PAZAKONTË E SJELLJES TË SHQIPTARVE ME NJËRI - TJETRIN. NA FËLLIQI SHQIPËRINË, NA SHËMTOI ETIKËN KOMUNIKUESE ME GJESTIKULACIONE KURVARËSH ME KËTË IMAZH KY I PISTË ME ATO PREKJE TË TURPËSHME....TË MESHKUJVE KAQ HAPUR...VETËM SE DËSHMON IDENTITETIN E VET SEKSUAL. KJO LLOJ KOMUNIKIMI ME DUAR E ZGËRDHIRJE PËRVERSE NUK SHIHET AS KUND EDHE NË BOTËN E JASHTME. SHIFENI SE SI EDVINI ME ATO SOJ PREKJE DHE ZGËRDHIRJE DËSHMON NËNCMIMIN QË I BËN KËTIJ AUTORITETIT TË LARTË TË BE-s. Një foto e shëmtuar dhe neveritëse

dyti, duhet të rikthehet dialogu mes pozitës dhe opozitës dhe kjo duhet bërë duke filluar punën dhe për zgjedhjet në 8 maj, duke i çuar një mesazh të gjithë popullit. Dhe së treti, të fillohet puna në mënyrën më serioze për 12 pikat e KE-se që të kemi një ecuri pozitive. Çfarë duhet të arrijmë, është që të afrohemi në BE dhe të bëhemi pjesë e saj, prandaj për këtë duhet punuar.

Jam i shqetësuar, por jam i sigurt se kjo krizë mund të kthehet. Ne jemi këtu për të ndërmjetësuar dhe e gjithë kjo duhet bërë nga udhëheqësit tuaj politik. Dëshiroj t’ju siguroj se BE-ja është për t’ju ndihmuar në çfarë do lloj mënyre të mundshme. Unë i bëj thirrje të gjithë qytetarëve që të sillen në mënyrë të përgjegjshme dhe të mos provokohen nga thirrjet nxitëse”, tha ai.
Ndër të tjera, Lajçak u ndal në aspektet pozitive dhe negative përsa i takon kthimit në Shqipëri. “Së pari do të flas për një aspekt pozitiv, për fatin që kryeministri anuloi protestën dhe hetimin nga ana e Prokurorisë, megjithatë nga ana negative kemi ende arsye për të qenë të shqetësuar për situatën në Shqipëri. Kemi përshkallëzim të situatës, dhe për këtë arsye gjendemi në Shqipëri, me të cilën jam takuar dhe me presidentin, kryeministrin dhe kreun e opozitës”, tha Lajçak duke shprehur skepticizëm se protestat e opozitës do jenë paqësore dhe jo të nxitura nga elementë konfliktualë.
Më tej, ai përsëri qëndrimin e Brukselit për të ndihmuar Shqipërinë në rrugën e integrimit Evropian. “Jemi të gatshëm të ndihmojmë, jemi të gatshëm të ndërmjetësojmë sepse jemi këtu për ju. Por kjo varet edhe nga vullneti i udhëheqësve tuaj politik. Dëshiroj të siguroj të gjithë shqiptarët që BE është këtu për të ndihmuar në çfarë do lloj mënyre të mundshme. Dhe gjëja tjetër që dëshiroj të them është se duke pasur parasysh se do ketë të tjera demonstrata, iu bëj thirrje qytetarëve shqiptarë të sillen në mënyrë të qetë dhe paqësore si dhe të mos provokohen nga deklaratat nxitëse”, tha Lajçak.
''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Avatari i antarit
Drejtues

Poste: 4572
Antarësuar: 28 Janar 2009, 13:10
Eurodeputeti Paul Rubig; “Prokuroria të faktojë se kush qëndron pas dhunës së 21 janarit”
Imazh

04-02-2011 / Gazeta 55

Intervista/Eurodeputeti Paul Rubig

“Prokuroria të gjejë kush qëndron pas dhunës së demonstruesve”. Ky është qëndrimi i funksionarëve të lartë të Bashkimit Evropian, të cilët i kërkojnë organit të akuzës të japë shpjegime se kush qëndron pas demonstratës së dhunshme të 21 janarit. Jo më larg se dje prokurorja Ina Rama braktisi në mënyrë arrogante mbledhjen e komisionit hetimor për hetimin e dhunës së 21 janarit, por eurodeputeti Pol Rybig, anëtar i dy komisioneve të rëndësishme të Parlamentit Europian, thotë se sulmi ndaj kryeministrisë është një akt i pastër kriminal. Në këtë kontekst, ai i kërkon prokurorisë të gjejë se kush qëndron pas dhunës së demonstruesve të 21 janarit dhe në interesin e kujt ishte dhuna. Në një intervistë dhënë për gazetaren Erisa Zykaj në Bruksel, eurodeputeti komenton edhe veprimet e policisë, duke nënvizuar faktin se uniformat blu rrezikuan jetën për të mbrojtur qytetarët shqiptarë, institucionet demokratike dhe për një Shqipëri jo të destabilizuar. Ndaj ai thotë se policia, se paku meriton një falënderim. Ju jeni njohur në detaje me demonstratën e 21 janarit.

Ç’mendoni për këtë demonstratë dhe rolin e forcave të rendit në të?

Manifestimet janë një aktivitet normal në demokraci dhe Shqipëria ka një reputacion për organizim të manifestimeve të mira, por ajo që s’mund të pranojmë është prodhimi i dhunës dhe akteve kriminale. Futja me forcë e makinave në institucionet shtetërore është një akt kriminal dhe ne duhet t’i ndajmë gjërat e mira, që manifestimet janë në përputhje me demokracinë, por krijimi i dhunës, tensioneve, përplasjeve, ne nuk mund ta konceptojmë këtë aspak.

Nëse imagjinojmë që këto akte dhune prodhohen në një nga shtetet anëtare të Bashkimit Europian si Gjermania kundër institucioneve shtetërore, a do të reagonin menjëherë forcat e rendit?

Sigurisht që policia duhet të veprojë, pasi ajo duhet të mbrojë institucionet dhe demokracinë. Është i njëjti standard në nivelin europian. Ne s’kemi asgjë kundër manifestimeve, i mirëpresim ato, duam të kemi një mendim ndryshe, që të bëjë demokracinë edhe më të shëndoshë, por ajo që është e pa tolerueshme është dhuna. Nëse ka dhunë, nëse ka akte kriminale, nëse dhunohen institucionet dhe rrezikohen qytetarët, kjo s’është e pranueshme. Forcat e rendit kanë rrezikuar jetën e tyre. Ata kanë rrezikuar jetën e tyre për të mbrojtur qytetarët shqiptarë dhe institucionet e tyre demokratike. Ata meritojnë të paktën një falenderim, që ata u vunë në rrezik për një Shqipëri jo të destabilizuar

Lajçak që ndodhet në Tiranë ka bërë thirrje për një hetim të plotë gjithë përfshirës. Sipas BE-së, një komision hetimor parlamentar është mirë të hetojë, por duhet që institucionet shtetërore si prokuroria, gjykatat të kryejnë hetimin e tyre. Ç’mendoni për këtë?

Shpresoj, që prokuroria të vërtetojë pse disa persona në demonstratë prodhuan dhunë, pse ata janë fajtor për dhunimin e institucioneve, pse ata dhunuan një institucion shumë të rëndësishëm si kryeministria dhe është e rëndësishme të vërtetohet kush është mbrapa dhunës, cili e organizoi demonstratën dhe në interesin e kujt ishte prodhimi i dhunës. Shpresoj, që të mos ketë lidhje me zgjedhjet e 8 majit, sepse kjo do të sillte një rrjedhojë shumë negative për situatën në Shqipëri.

Lideri i opozitës refuzon zgjedhjet lokale dhe kërkon zgjedhje të parakohshme, ndërkohë që Bashkimi Europian por edhe Komuniteti Ndërkombëtar, SHBA-të kërkojnë që të gjitha forcat politike të përgatiten për zgjedhjet lokale. Ç’mendoni për këtë?

Shqipëria i ka bërë zgjedhjet në 2009 dhe vendimi u mor nga populli shqiptar dhe të zgjedhurit e popullit tani duhet të punojnë për ata që i kanë zgjedhur. Politikanët duhet të punojnë së bashku për të vendosur se si të krijojnë një jetë më të mirë për qytetarët, të krijojnë vende të reja pune dhe të krijojnë më shumë stabilitet dhe siguri. Nuk është një gjë e dobishme për të krijuar dhunë në rrugë për të krijuar një profil për zgjedhjet e ardhshme. Është mirë që ju keni një qeveri të qëndrueshme dhe mendoj, se zoti Berisha ka bërë një punë shumë të mirë për qytetarët e Shqipërisë dhe kjo duhet të respektohet edhe nga forcat e tjera që s’janë në partinë e tij.
...
''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Avatari i antarit
Drejtues

Poste: 4572
Antarësuar: 28 Janar 2009, 13:10
Doris Pack: “Opozita po shfaqet kundër interesit të Shqipërisë, protestat pengojnë integrimin”
Imazh

04-02-2011 / Gazeta 55Doris

Sjella e opozitës shqiptare duket se ka krijuar një model në rajon. E këtij mendimi është eurodeputetja gjermane, Doris Pack, e cila në një mesazh për klasën politike në Maqedoni, heq një paralele të qartë mes opozitës në Shkup dhe asaj në Tiranë.
Sipas saj opozitat në Shqipëri dhe në Maqedoni nuk punojnë në interes të vendeve të tyre dhe kërkojnë të krijojnë dyshime në Bruksel se vendet e tyre nuk e meritojnë BE-në.
“Lidhja Socialdemokrate e Maqedonisë, por edhe kolegët e saj në Shqipëri nuk punojnë në interes të vendeve të tyre. Rezultati i vetëm nga protestat e tyre në rrugë shtojnë dyshimet tek Bashkimi Evropian se vendet e tyre nuk janë të afta për të përmbushur standardet evropiane. Kjo sjellje është e papërgjegjshme. Në vend se në rrugë, ata qëndrimet e tyre duhet t’i mbrojnë në Parlament”, tha ajo.
Në një reagim me shkrim për situatën politike në Maqedoni, eurodeputetja Pack nënvizoi se Maqedonisë i duhet Parlament funksional, për shkak se kanë mbetur shumë punë pa u përmbyllur në fushën e legjislativit, ndërsa sipas saj, populli i këtij vendi e meriton një demokraci funksionale parlamentare.
''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Avatari i antarit
Drejtues

Poste: 4572
Antarësuar: 28 Janar 2009, 13:10
Sa skandalozë është që t'i urdhëroji OSBE-ja për t'u pregatitë partive politike përzgjedhjet lokale të 8 majit 2011, që i bëhet thirrje presidentit Topi dhe Edvin Ramës se nuk ka zgjedhje të parakohëshme si kundërshtar të egër të zgjedjeve të 8 majit 2011
Imazh

OSBE: Partite te merren me 8 majin 2011
Rozeta Rapushi
Ne kulmin e debateve politike dhe hetimet per demonstraten e dhunshme te 21 janarit, Prezenca e OSBE-se, i kujtoi Shqiperise se ka zgjedhje te tjera ne prag per t'u realizuar me 8 maj, data e te cilave eshte dekretuar nga Presidenti dhe nuk ndryshon. Ambasadori i OSBE-se ne vendin tone, Eugen Uollfarth, nxiti dje forcat politike qe te zbatojne Kodin Zgjedhor dhe nenet e tij, meqenese permiresim nuk po bejne. "Shqiptaret dhe partneret nderkombetare te vendit, presin qe zgjedhjet per organet e qeverisjes vendore te zhvillohen me 8 maj, ashtu sic jane dekretuar nga Presidenti i Republikes. Komisioni Qendror i Zgjedhjeve eshte ne fazen e pergatitjes se ketyre zgjedhjeve. Puna e tij do te behej me e lehte, nese te gjitha partite politike veprojne menjehere dhe respektojne ligjin, duke dorezuar emrat e te gjithe komisionereve zgjedhore brenda afatit",-tha Uollfarth. Ne kete kuader, ai inkurajoi te gjitha forcat politike qe te mos vonojne ne zbatim te neneve te Kodit Zgjedhor, per sa i perket kesaj ceshtjeje. "Presim qe te gjitha afatet e tjera ligjore te respektohen plotesisht, ashtu sikurse presim qe te gjithe anetaret e KQZ-se te marrin pjese ne te gjitha mbledhjet", shtoi ai. "Nxis te gjitha partite politike, ta zbatojne plotesisht Kodin Zgjedhor, duke i paraqitur Komisionit Qendror te Zgjedhjeve, propozimet e tyre per anetare te komisioneve zgjedhore", shprehet Uollfarth, duke theksuar faktin se sipas informacioneve qe ka Prezenca e OSBE-se, asnje parti politike nuk ka dorezuar deri me tani ne KQZ listen e plote te kandidateve. Cka rezulton e vertete pasi ne Komisionin me te Larte Zgjedhor nuk ka mberritur asnje emer nga forcat politike per anetare te ketyre komisioneve, ndonese ne baze te ligjit, emrat duhet te depozitoheshin qe ne fund te muajit janar, me sakte me 24 janar. Sipas Kodit Zgjedhor, afati i fundit per paraqitjen e emrave te komisionereve te komisioneve te nivelit te dyte ishte 24 janari. Afati qe KQZ-ja te konstituoje te gjitha komisionet eshte 7 shkurti. Me konkretisht ne nenin 28 te Kodit Zgjedhor percaktohet se vendimi per ngritjen e Komisioneve Zonale te Administrimit Zgjedhor merret nga KQZ, jo me vone se 90 dite para dates se zgjedhjeve. Po ne baze te ketij neni, partite politike propozojne kandidaturat perkatese per anetar te KZAZ-se jo me vone se 15 dite para afatit te parashikuar ne piken 1 te ketij neni. Ne keto kushte, apeli i Uollfarth vjen per te mos u shkelur afatet nga forcat politike pavaresisht debateve apo problemeve qe kane. Nderkohe qe prej kohesh, OSBE ka bere thirrje te vazhdueshme edhe per realizimin e reformes zgjedhore, sipas rekomandimeve te bera pas zgjedhjeve te 28 Qershorit te OSBE/ODIHR.
''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Avatari i antarit
Drejtues

Poste: 4572
Antarësuar: 28 Janar 2009, 13:10
Ambasadori i Shteteve të Bashkuara në Shqipëri, Aleksandër Arvizu, thotë në një intervistë për Zërin e Amerikës se përfaqësuesit e zgjedhur dhe qeveritë nuk ndryshohen me protesta në rrugë, por përmes procesit elektoral.
Imazh
Arben Xhixho, Zëri i Amerikës | Uashington Arben Xhixho, E premte, 04 Shkurt 2011

Duke shprehur mbështetjen e fortë të Shteteve të Bashkuara për Prokuroren e Përgjithshme të Shqipërisë, zoti Arvizu thotë se sistemi politik i Shqipërisë duhet të funksionojë në përputhje me statusin e saj si një vend i Natos, ku një tregues kryesor është roli i institucioneve të pavarura.

Zëri i Amerikës: Ju keni ardhur ditët e fundit nga Shqipëria, ku jeni përfshirë intensivisht në procesin për të qetësuar gjendjen. Cili është vlerësimi juaj për Shqipërinë?

Ambasador Arvizu: Ka rreth një javë që jam këtu në Ushington. U ndjeva i lehtësuar kur dëgjova se demonstratat sot në Tiranë, Korçë, Vlorë e Lezhë përfunduan në paqe. Ky është një zhvillim pozitiv. Do të uroja të kishim mundësi të thonim të njejtën gjë edhe për atë që ndodhi më 21 janar. Pa dyshim që situata mund të ishte më e mirë. Dua të ndalem në dy çështje si fillim. Dhe faleminderit që më jepni këtë mundësi.

Së pari, kam dëgjuar jo pa shqetësim, argumentet e disave se Shqipëria nuk është gati për demokraci, ose se institucionet demokratike nuk ekzistojnë. Nuk jam aspak dakord me këtë. Fakti është se ka institucione demokratike. Atyre u duhet dhënë hapësirë që të punojnë. Ne kemi qënë shumë të angazhuar e të përfshirë në këtë drejtim, në mënyrë që të krijojmë një hapësirë më të madhe politike. Shikoni shtypin në Shqipëri, që mund të shërbejë si një matës i mirë i faktit që demokracia po funksionon. Tri prej katër gazetave ditore me qarkullimin më të madh, "Gazeta Shqiptare", "Shekulli" dhe "Shqip", janë pro opozitës, ose anojnë nga opozita. Në televizion, stacioni më i madh privat, më popullori, Top Channel, anon nga opozita. Nuk po them se kjo garanton që demokracia po funksion me të gjithë cilindrat, por për mua, ky është një tregues që fara është atje, që elementët janë atje. Dua të theksoj që Shqipëria nuk është një shtet i dështuar, është një demokraci funksionuese, që po gjen rrugën e saj dhe që ka nevojë për kohë.

Çështja e dytë që dua të shtroj ka të bëjë me rolin e Shteteve të Bashkuara. Çfarë roli kanë Shtetet e Bashkuara në Shqipëri?
Kam dëgjuar që thonë se Shtetet e Bashkuara duhet të zgjedhin mes stabilitetit dhe demokracisë. Dua të ndalem shkurtimisht tek kjo, se e di që nuk kemi shumë kohë. Kur mendoj ato që po bëjmë ne në Shqipëri, vetëm për këtë vit fiskal ne do të shpenzojmë 20 milionë dollarë për programe të ndryshme që synojnë të nxisin respektin për institucionet, shtetin ligjor, luftën kundër korrupsionit, trajnimin e prokurorëve dhe gjykatësve.
Ne po ndihmojmë në përmirësimin e qeverisjes në administratat lokale, po ndihmojmë për biznesin e vogël, po shpenzojmë miliona dollarë për shkatërrimin e municioneve të vjetra, që aksidente si Gërdeci mos të ndodhin më.
Në Shqipëri kemi rreth 70 vullnetarë të korpusit të paqes, të shpërndarë në të gjithë vendin. Shumica janë të rinj idealistë amerikanë, ndonëse një është një grua 70 vjeçare që punon në Shkodër. Po ashtu, kemi mijëra amerikanë që vijnë në Shqipëri dhe mijëra shqiptarë që vijnë në Amerikë për të jetuar.
Ne sot po mbështesim për shembull Prokuroren e Përgjithshme dhe përpjekjet e saj për të hetuar në mënyrë të pavarur rrethanat për incidentet e 21 janarit. Që ky hetim të jetë i besueshëm, shtrirja e tij duhet të jetë e gjithanshme dhe siç e dini, ne e kemi shprehur qartë mbështetjen tonë për të. Kur e shoh gjithë këtë gamë aktivitetesh u them të tjerëve: më thoni, a nuk janë Shtetet e Bashkuara në anën e demokracisë në Shqipëri?

Zëri i Amerikës: Le të qëndrojmë këtu, në rolin e Shteteve të Bashkuara. Ka zëra, për shkak të angazhimit tuaj, ka një perceptim, që ju mbështesni qeverinë demokratike të kryeminsitrit Sali Berisha. Cili është reagimi juaj?

Ambasador Arvizu: Kur fola me Prokuroren e Përgjithshme dhe shkëmbyem mendimet për situatën dhe ajo më propozoi të bashkëpunonim dhe siç e dini ne kemi sot jo vetëm FBI-në, që po ndihmon në anën kriminalistike, por po ndihmojmë edhe me prokurorë për hetimet. Për mua kjo tregon se ne nuk mbajmë anë. Ne nuk mbajmë as anën e qeverisë dhe as të opozitës.
Po përpiqemi të bëjmë atë që është më e mira për Shqipërinë. Po japim ndihmesë për institucionet e pavarura, siç është zyra e Prokurores së Përgjithshme. Ne po shpenzojmë fonde të qeverisë amerikane për të ndihmuar me hetimet, pasi për mua, hetimet janë jetike për të sqaruar shumë çështje dhe shqetësime. Ne nuk po mbajmë anë.

Zëri i Amerikës: Ju thatë që Shqipëria nuk është një shtet i dështuar, por ajo mund të konsiderohet se është në mes të një krize politike. Ngjarjet e fundit kanë nxjerrë në pah përplasjen e institucioneve. Zyra e Kryeministrit ka kritikuar zyrën e Presidentit, të Prokurores së Përgjithshme, të shërbimeve të zbulimit. A jeni i shqetësuar nga kjo mungesë komunikimi, nga kjo mungesë bashkëpunimi mes institucioneve të pavarura?

Ambasador Arvizu:
Po, jam shumë i shqetësuar, pasi në çdo demokraci, që ajo të funksionojë dhe të jetë e efektshme, duhet të ekzistojë sistemi i kontrollit dhe balancës. Ky është thelbi i sistemit në Amerikë dhe i shumë demokracive në Evropë, i Bashkimit Evropian, pjesë e së cilës dëshiron të bëhet Shqipëria. Shqipëria është vend i Natos dhe sistemi politik në Shqipëri duhet të funksionojë dhe veprojë në përputhje me këtë status. Një tregues kryesor është roli i institucioneve të pavarura. Por, dua të theksoj po ashtu se u takon njerëzve që janë në krye të këtyre institucioneve, si Prokurorja e Përgjithshme, Drejtori i ShISh-it, apo edhe zyra e Presidentit, u takon këtyre që t’i realizojnë funksionet e këtyre zyrave në një mënyrë të tillë, që të zgjidhin shqetësimet shtetërore, pra duhet të ketë integritet në kryerjen e funksioneve të këtyre institucioneve.
Disa here ato mund të jenë në konflikt me qeverinë, disa here me opozitën. Kjo është normale. Në çdo sistem politik ka tërheqje dhe lëshime. Ne jemi të palëkundur në mbështetjen tonë për këto institucione. Unë e kam bërë këtë shumë të qartë në takimet e mia me kryeministrin Sali Berisha. Ai e ka të qartë dhe e kupton shumë mirë qëndrimin tim dhe të qeverisë amerikane në këtë drejtim.

Zëri i Amerikës: Cili është mendimi juaj për komisionin që u krijua së fundi nga parlamenti për të hetuar ngjarjet, dhunën e 21 janarit?

Ambasador Arvizu: Në çdo demokraci një parlament i efektshëm, është një nga shtyllat e shtetit. Në Shtetet e Bashkuara ka shumë sisteme, shumë mekanizma përmes së cilave Kongresi mund të kryejë hetime. Për fat të keq ky komision parlamentar mbizotërohet nga demokratët, pasi socialistët e kanë bojkotuar. Komisionet kanë një rol në demokraci. Por përsa i takon qëndrimit tonë, hetimet e vërteta, ato për të cilat ne po ndihmojmë, janë ato që po kryhen nga Prokurorja e Përgjithshme. Ajo gëzon mbështetjen tonë të plotë dhe ne jemi të angazhuar të punojmë me të. Vura re se para disa ditësh, asaj iu kërkua të dilte para komisionit parlamentar. Ajo doli, po nuk pranoi t’u përgjigjej pyetjeve. Unë e mirëprita faktin që ajo doli para komisionit. Kjo tregon se ajo respekton të drejtën e parlamentit si institucion, që ta thërrasë atë si një zyrtare shteti. Po ashtu, ajo përdori edhe të drejtën e saj për të mos iu përgjigjur pyetjeve, pasi në fakt ajo vetë është duke kryer hetime. Për mua ky është një tregues i një demokracie në veprim.

Zëri i Amerikës: Në Shqipëri shumica përmend shpesh fjalën grusht shteti për 21 janarin. Cili është mendimi juaj? A mund të flitet për grusht shteti në Shqipëri?

Ambasador Arvizu: Kjo është një akuzë shumë serioze dhe duhet të mbështetet me fakte. Në se ka të dhëna, atëhere qeveria duhet ta paraqesë këtë rast. Është një akuzë shumë serioze.

Zëri i Amerikës: Ka zëra, se opozita nuk do të marrë pjesë në zgjedhjet lokale të majit. Si do të ndikojë kjo për klimën politike në Shqipëri?

Ambasador Arvizu: Ka ende kohë deri më 8 maj. Mendoj se do të ishte jashtëzakonisht për të ardhur keq, në se zgjedhjet nuk do të zhvilloheshin. Dhe do të ishte po aq keq nëse opozita, ose ndonjë parti tjetër, do të vendoste të mos merrte pjesë.
Demokracitë funksionojnë vetëm kur ka zgjedhje të besueshme. Kjo është mënyra si ndryshohen përfaqësuesit e zgjedhur, si ndryshohen qeveritë. Ato nuk ndryshohen me protesta në rrugë, apo me demonstrata. Ato ndryshohen përmes procesit elektoral. Dhe në Shqipëri ky sistem ekziston. Me sa di unë, nga dhjetë qarqet e mëdha në Shqipëri, socialistët kontrollojnë nëntë prej tyre, përfshirë Tiranën. Përjashtim bën vetëm Shkodra në veri. Socialistët kanë një barrë të rëndë për të mbrojtur këto vende. Jam i sigurt se anëtarët e Partisë Socialiste, që janë të zgjedhur për këto vende, ndoshta e shohin në interesin e tyre të bëjnë fushatë dhe të rizgjidhen. Nuk ka shumë kohë. Uroj që partitë nuk do t’i mbyllin rrugët për zhvillimin e zgjedhjeve.
Në Tiranë shkoi para rreth dy javësh një mision vlerësues i ODIHR-it, dhe sipas tyre, mekanizmat për zhvillimin e zgjedhjeve ekzistojnë. Tani ndoshta është tepër vonë për t’i bërë ndryshime sistemit zgjedhor për më 8 maj. Të gjitha partitë kanë shkelur disa afate, siç është ajo e regjistrimit të kandidatëve. Nuk është mirë, por ka ende kohë, ndonëse jo shumë.

Zëri i Amerikës: Ju keni bërë thirrje për dialog. Mendoni se ende ka hapësirë për bisedime? Çfarë mund t’i bashkojë ata tani. Sepse pozicionet e tyre janë shumë larg...

Arben Xhixho, Zëri i Amerikës | Uashington - E premte, 04 Shkurt 2011

Ambasador Arvizu: Unë shkova në Shqipëri më 2 dhjetor dhe arrita në një kohë kur opozita nuk merrte pjesë në parlament. Pra në atë kohë, hendeku ishte mjaft i madh, por kur e shikoj sot, ai është shumë më i madh dhe gjendja është më e tensionuar. Nuk ka arsye për ta fshehur, kjo gjendje është mjaft serioze. Unë kam komentuar publikisht për të shpjeguar se si unë e kuptoj kompromisin. Por mendoj se duhet një përpjekje më e madhe, që njerëzit të dalin nga vetvetja dhe të dëgjojnë.
Dëshiroj t’ju tregoj një histori shumë të shkurtër. Më 29 janar, një ditë pas demonstratës, në mëngjes herët po shkoja në ambasadë dhe i thashë shoferit nëse mund të kalonim me makinë nëpër bulevard. Isha vetëm me shoferin dhe me disa shqiptarë të tjetër që rrinë gjithmonë me mua për sigurinë time personale. Dolëm nga makina dhe filluam të ecim. Bulevardi ishte thuajse i zbrazët. Pashë një karafil të kuq që kishte mbetur aty nga një ditë më parë. E mora dhe vendosa ta mbaj. Kur po përkulesha për ta marrë, aty po vinin tre shqiptarë të moshuar. Megjithëse nuk flas shqip, e kuptova atë që më tha një grua mes tyre. “Mos jeni ambasadori amerikan”? pyeti ajo. “Po”, iu përgjigja. Ajo kapi dorën time dhe nisi të qajë. Ishte shumë e trishtuar. Pastaj më tha disa fjalë që mi përktheu ndihmësi im shqiptar. Deri tani nuk ia kam treguar këtë histori askujt tjetër, as njerëzve në zyrën time. Me pak fjalë ajo tha: “Ju duhet të na ndihmoni”. E përfytyroni dot sa të fuqishme ishin ato fjalë që shqiptoheshin nga një grua e moshuar shqiptare? Ajo tha edhe disa gjëra të tjera, kishte mendimet e saja politike, por kjo ishte mes asaj dhe meje, askush tjetër nuk ka përse ta dijë. “Të falenderoj që ma the këtë”, iu përgjigja unë. I thashë se “premtimi im për ty është se çdo ditë që do të jem në Shqipëri, do të punoj për të forcuar miqësinë mes dy vendeve tona dhe popujve tanë. Unë nuk jam veçse një ambasador amerikan, por do të punoj që Shqipëria të bëhet një vend më i mirë për qytetarët e saj. Prandaj, kam vendosur që kur të kthehem në Shqipëri, të udhëtoj më shumë nëpër vend. Natyrisht kjo ka qenë gjithnjë në planet e mija, por unë dua të udhëtoj për të dëgjuar më shumë atë që mendojnë qytetarët.
Rekomandimi im i sinqertë, si për qeverinë, për partinë në fuqi, ashtu edhe për opozitën është ky: Nuk ka gjë të keqe të bëjmë demonstrata, sa kohë që ato janë paqësore. Por në vend që të bëjmë demonstrata të premteve, mendoj se të dy palët mund të organizojnë ditën kombëtare të dëgjimit të opinioneve. Pra, le të mos kemi konferenca shtypi nga Kryeministri, as intervista dy orëshe nga Edi Rama në News 24, as deklarata nga zoti Patozi, kryetari i grupit parlamentar të Partisë Demokratike dhe as reagime nga Spartak Ngjela. Me fjalë të tjera, le të mos kemi komente për shtypin. Por le të shkojnë ata në terren, jo në bazën e tyre zgjedhore, por diku tjetër dhe të dëgjojnë atë që mendojnë njerëzit. Mendoj se ia vlen të provohet.

Zëri i Amerikës: Në këtë situatë mjaft të tensionuar çfarë mund të bëhet tjetër veç thirrjeve për të ulur retorikën mes dy udhëheqësve?

Ambasador Arvizu: Mendoj se kjo është një pyetje që vetë udhëheqësit duhet t’i përgjigjen nga brenda vetes së tyre Ju patjetër që e dini pikëpamjen time dhe të Shteteve të Bashkuara, të cilën ne e kemi shprehur qartë. Besoj se edhe pozicioni i Bashkimit Evropian dhe secilit vend të tij të veçantë ka qenë shumë i qartë, po ashtu edhe i OSBE-së dhe i miqve të Shqipërisë në botë. Ne mund të flasim pa fund, deri sa të na ngjiret zëri dhe të themi të drejtën, zëri na është ngjirur. Por është e nevojshme që të dale diçka nga brenda, duhet një anagazhim i njerëzve si Sali Berisha, si Edi Rama dhe mbështetësve të tyre, pra duhet vullnetin e tyre për të gjetur rrugëdaljen. Por kjo duhet të vijë prej tyre.
Zëri i Amerikës: A do të thotë kjo se komuniteti ndërkombëtar, duke përfshirë Shtetet e Bashkuara, nuk do të ë ndërmjetësojnë dhe t’i ndihmojnë ata për të zgjidhur problemin?

Ambasador Arvizu: Shqiptarët duhet t’i zgjidhin vetë problemet e tyre. Ne mbështesim pa lëkundje institucionet e tyre.

Zëri i Amerikës:
Por a do të dërgoni ju ndërmjetësues atje?
Ambasador Arvizu: Ne i kemi provuar të gjitha për të lehtësuar dialogun. Nuk e di nëse mund të jemi më të qartë se kaq. Nuk e kuptoj se përse zgjedhjet vendore të majit të mos jenë një farë referendumi kombëtar. Kemi dy kampe kundërshtare të kundërta me pikëpamje mjaft të kundërta. Lajmi i mirë është se ndryshe nga vendet e tjera të botës, këtu nuk kemi të bëjmë me dy ideologji të kundërta lidhur me drejtimin e ardhshëm të vendit. Asnjë njeri serioz në Shqipëri nuk është për ndonjë drejtim tjetër veçse për integrimin e plotë të Shqipërisë në Bashkimin Evropian dhe në Perëndim, për vazhdimin e lidhjeve të ngushta me Shtetet e Bashkuara. Pra, nuk ekzistojnë ndarje serioze sektare në Shqipëri. Kemi të bëjmë thjesht me politika personale.

Zëri i Amerikës: Vërtet që atje nuk ka ideologji të kundërta por ka interesa të kundërta ekonomike dhe prandaj lufta është kaq e ashpër...

Ambasador Arvizu: Absolutisht e vërtetë, por kjo është pjesë e demokracive të hapura. Shpërblime politike ka edhe këtu në Shtetet e Bashkuara, prandaj edhe këtu ka një hendek të gjerë mes partive.

Zëri i Amerikës: E kam fjalën më tepër për korrupsionin, për shpërblimet e pamerituara që marrin njerëzit kur vijnë në pushtet...
Ambasador Arvizu: Jam i kënaqur që e ngritët këtë çështje sepse dëshiroj ta bëj tepër të qartë mendimin tim. Korrupsioni është një problem tepër, tepër serioz në Shqipëri. Ai ka një efekt gërryes mbi shoqërinë dhe mbi rritjen ekonomike. Shqetësimi im më i madh është tek rinia në Shqipëri. Unë nuk kam shumë kohë në Shqipëri, por nga disa biseda që kam patur me të rinjtë jam dekurajuar sepse ndjej një farë cinizmi në rritje mes tyre, në kuptimin që njerëzit e kuptojnë korrupsionin si mënyrë jetese në Shqipëri. Kjo është shumë e rrezikshme. Të gjithë shqiptarët, pavarësisht nëse janë në qeveri apo në opozitë, duhet ta marrin këtë shumë seriozisht.
Edhe diçka tjetër që desha të përmend: korrupsioni është një problem i shqiptarëve dhe jo “i qeverisë shqiptare”. Është një problem i përhapur në shoqërinë shqiptare. Megjithatë, çdo qeveri në fuqi, qoftë Partia Demokratike apo socialistët, pra çdo administratë, ka një detyrim për të masa kundër korrupsionit. Shqetësimi im është asnjëra palë nuk po bën sa duhet. Qeveria duhet të bëjë më shumë. Ajo duhet ta bëjë të qartë pa mëdyshje se kjo do të jetë një luftë e gjatë por se ajo është angazhuar të marrë masa për ta çrrënjosur korrupsionin.
Nga ana e saj edhe opozita duhet të japë mbështetjen e saj për këto përpjekje duke marrë pjesë në forume parlamentare dhe diskutime të tjera. Nëse dëshiron të bojkotosh thjesht për qëllime politike, ky është vendim i tyre, por kur merr një vendim për të bojkotuar dhe nuk merr pjesë në jetën aktive politike të vendit, kjo ka pasoja të menjëhershme mbi aftësinë e organeve shtetërore për të luftuar korrupsionin. Të dyja palët flasin për korrupsionin, por ato duhet të bëjnë më shumë për ta luftuar atë.

Zëri i Amerikës: A mendoni se Shqipëria ka arritur një pikë në të cilën lufta e ashpër mes palëve po dëmton qeverisjen e vendit dhe ku zgjedhjet e parakohshme mund të shihen si mënyrë për të dalë nga kjo gjendje, që qeveria të marrë një mandat të ri?

Ambasador Arvizu: Çdo demokraci funksionale ka mekanizma kushtetuese për ndryshimet në qeverisje. Kjo është mënyra e vetme me të cilat mund të lulëzojnë demokracitë. Sot në Shqipëri, ekziston një sistem dhe sistemi parashikon zgjedhje vendore në muajin maj si dhe zgjedhje parlamentare në vitin 2013. Mjedisi është shumë i vështirë, për shkak të mosmarrëveshjeve nga zgjedhjet e mëparshme. Partitë është e nevojshme të gjejnë një mënyrë për të punuar brenda sistemit.

Kam parë disa propozime që kërkojnë zgjedhje të reja, qeveri të përkohshme, dorëheqjen e kryeministrit, vëzhgues të OKB-së. Më vjen keq, por Shqipëria nuk është protektorat i Kombeve të Bashkuara. Dhe këtu kthehem tek ajo që thashë në fillim se Shqipëria nuk është një shtet i dështuar. Ajo është një demokraci funksionale, por që ka disa probleme dhe të meta përsa i përket zbatimit të ligjit. Unë flas në emër të Shteteve të Bashkuara, por besoj edhe komuniteti ndërkombëtar do të japë mbështetje të plotë për të garantuar se zgjedhjet e tjera, ato në maj të këtij viti dhe zgjedhjet parlamentare në vitin 2013, do të jenë më të mira se ato të zhvilluara në qershor 2009. Kështu duhet të funksionojnë gjër

''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Avatari i antarit
Drejtues

Poste: 4572
Antarësuar: 28 Janar 2009, 13:10
Fjala e Zëvendës Ndihmës Sekretarit të Shtetit të SHBA Tom Kantrimen në Ambasadën Amerikane
Thomas Countryman me S.Berishën - 9.2.2011 (Kopier).jpg

Ambasada e SHBA, Tiranë (9 Shkurt 2011)

Përsëri, faleminderit që erdhët këtu sot. Faleminderit për interesimin tuaj për atë cka Shtetet e Bashkuara mendojnë për situatën në Shqipëri. Së pari, si miq të Shqipërisë, kemi nevojë t’u themi se jemi të trishtuar nga vdekjet e katër qytetarëve shqiptare në ngjarjët e fundit. Kjo nuk është një deklaratë politike, kjo nuk është një deklaratë ligjore, por vetëm një deklaratë njerëzore që reflekton ndjenjat që amerikanët dhe shqiptarët kanë për njëri tjetrin. Më lejoni gjithashtu të filloj duke thënë se nuk është qëllimi ynë në deklaratat tona publike apo në takimet tona private që të mbështesim apo të kundërshtojmë qëndrimet e njërës apo tjetrës palë. Shqetësimi ynë është për popullin shqiptar dhe Kushtetutën e Shqipërisë. Dhe unë shpresoj që populli shqiptar do të dëgjojë drejtpërsëdrejti çfarë miqtë e tyre të mirë kanë për të thënë dhe jo vetëm nëpërmjet prizmit të partive politike.

Shqipëria është një vend unik por ngjarjet e fundit nuk janë aq unike sa c’mund të mendohet. Shqipëria nuk është e vetmja demokraci perëndimore apo i vetmi vend anëtar i NATO-s që ka problem me korrupsionin. Shqipëria nuk është e vetmja demokraci europiane që ka patur ekperiencë me zgjedhje të debatueshme dhe të papërsosura. Dhe Shqipëria nuk është e vetmja demokraci europiane që ka parë protestat të përfundojnë në dhunë. Të gjitha këto ngjarje, në një demokraci kushtetuese, duhet të trajtohen me mjete kushtetuese. Dhe më lejoni t’ju jap pak më tepër detaje për atë që kam parasysh në secilën nga këto fusha: korrupsioni, zgjedhjet dhe protestat.

Si Ambasadori Arvizu ashtu edhe unë të dy kemi thënë më parë se korrupsioni është një problem në shumë nivele në Shqipëri; kjo nuk përbën lajm për ju. Është një problem në qeverinë kombëtare, qeveritë vendore, në parti dhe në biznese dhe në çdo rast përbën vjedhje ndaj qytetarëve shqiptarë. Dhe e pengon Shqipërinë në arritjen e të ardhmes europiane dhe potencialin e saj ekonomik. Shtetet e Bashkuara janë përpjekur shumë që, nëpërmjet investimit tonë me asistencë, të ndërtojnë mjetet kushtetuese për luftën kundër korrupsionit. Nevojitet një prokurori e pavarur dhe një gjyqësor i pavarur që mund ta bëjnë punën e tyre pa frikën e pasojave politike. Dhe nevojitet bashkëpunimi i zyrtarëve qeveritarë, në qeverinë kombëtarë apo ato lokale, edhe kur është politikisht e dhimbshme. Dhe sigurisht që kërkon median e lirë të jetë vigjilente dhe e përgjegjshme në raportimin e këtyre cështjeve.

Sa për zgjedhjet, vetë vendi ynë ka pasur një ekperiencë jo të largët me zgjedhje të debatueshme dhe të kontestuara dhe ne i trajtojmë këto pyetje nëpërmjet mjeteve kushtetuese. Në rastin e Shqipërisë është e rëndësishme që këto mosmarrëveshje mbi zgjedhjet e kaluara të adresohen nëpërmjet mjeteve kushtetuese që janë të përcaktuara këtu. Është edhe më e rëndësishme që partitë dhe qytetarët të mësojnë nga secila ekperiencë zgjedhjet zgjedhjesh të papërsosura. OSBE dhe ODIHR kanë ndihmuar duke krijuar një listë gjithëpërfshirëse e asaj që duhet të rregullohet në sistemin zgjedhor shqiptar. Dhe përsëris, sic e kam thënë dhe më parë, zhgënjimi ynë është që qeveria dhe opozita nuk kanë gjetur një mënyrë për të punuar së bashku për të gjetur kompromis dhe për të miratuar pikërisht këto rekomandime.

Kur ka deficit në demokraci përgjigja e natyrshme është më shumë demokraci. Dhe kjo është pse është besimi ynë i patundur që zgjedhjet vendore që janë planifikuar për këtë vit duhet të kryhen, Presidenti i Shqipërisë ka përdorur autoritetin e tij kushtetues për të përcaktuar datën e këtyre zgjedhjeve dhe sigurisht ne e respektojmë autoritetin e tij kushtetues. Populli i Shqipërise meriton të drejtën për të zgjedhur midis partive, gjë që do të thotë se partitë duhet të marrin pjesë në këto zgjedhje. Bllokimi i këtyre zgjedhjeve është një shembull veprimi jo-kushtetues dhe anti-kushtetues që nuk i ka hije një demokracie europiane.

Përsa i përket protestave dhe dhunës, siç e thashë, në çdo demokraci perëndimore, protestat paqësore janë një e drejtë e popullit, dhe qeveria në vende të tilla ka detyrimin që të mos i pengojë dhe të mos përdorë dhunën kundër protestuesve paqësorë. Gjithashtu edhe protestuesit kanë përgjegjësinë t’i përmbahen jo vetëm me fjalë, por edhe në praktikë, protestimit në mënyrë paqësore. Kjo e drejtë është ushtruar dhe është mbrojtur qindra herë në vitet e fundit. Pyetja që kemi është pse pas qindra protestash paqësore, protesta e 21 Janarit përfundoi në dhunë? Unë nuk kam një përgjigjë për këtë pyetje dhe mendoj se është papërgjegjshmëri të spekulohet mbi përgjigjen e kësaj pyetjeje. Nga ana tjetër ne kemi mjetet kushtetuese për të adresuar këtë pyetje dhe kjo është përpjekja e Prokurores se Përgjithshme për të hetuar ngajrjet e 21 Janarit. Ne mbështësim pavarësinë e Prokurores së Përgjithshme e cila duhet të jetë në gjendje të bëjë punën e saj pa presion politik. Ne jemi krenarë që japim asistencë teknike për të rritur besueshmërinë e hetimit.

Përvec mbështetjes tonë, prokurori gjithashtu ka përgjegjësi serioze. Dhe në pikëpamjen tonë ka dy përgjegjësi të rëndësishme që duhet të respektohen. E para është nëpërmjet hetimit të plotë dhe të pavarur, të hetohen veprimet e të gjithë aktorëve të 21 Janarit dhe kjo përfshin veprimet e policisë dhe forcave të sigurisë, veprimet e demonstruesve dhe veprimet e organizatorëve. Dhe sigurisht që ajo duhet të ketë mundësinë të marrë në pyetje njerëz në të gjitha këto kategori në mënyrë që të marrë një përgjigje për këtë pyetje. Së dyti, prokurorja e përgjithshme ka një detyrim në pikëpamjen tonë që të mbrojë sigurinë e informacionit. E kuptoj që ju si gazetarë jeni intensivisht të interesuar në punën e prokurores së përgjithshme, por botimet e përditshme të informacionit shtupit, informacion që duhet të mbahet konfidencial, nuk e ndihmon prokuroren e përgjithshme në përpjekjen e saj për të patur një hetim të pandikuar nga presioni politik. Tani ju kërkoj ndjesë që po ju jap një leksion universiteti, apo vetëm një leksion gjimnazi, mbi atë si bëhet qeverisja e mirë, por e trajtova gjatë sepse ne kemi vërtet nevojë për popullin e Shqipërisë të insistojë në mjetet kushtetuese të mbrojtjes së Kushtetutës së tyre.

Politika mund të duket sikur është gjithçka, por ka vlera më të mëdha kur angazhohesh për të qenë anëtar i NATO-s dhe kur aspiron të bëhesh anëtar i Bashkimit Europian. Si NATO ashtu edhe BE janë organizata të bazuara në vlera, dhe këto vlera janë më të mëdha se interesat politike të njërës apo tjetrës palë.

Ambasadori Arvizu ka bërë një punë të shkëlqyer këtu duke përcjellë çdo shqetësim që ne kemi për situatën. Dhe gjithashtu një punë të shkëlqyer javën e kaluar në Uashington për t’ia përshkruar situatën lidershipit tonë dhe për të afirmuar përqasjen tonë. Dhe jam gjithashtu i kënaqur që komunikimi mes Bashkimit Europian, vendeve anëtarë të BE-së, OSBE-së, dhe Shteteve të Bashkuara, ka qënë ekzemplar. Dhe ne qëndrojmë të bashkuar me ata, aleatët tanë në Europë, kur duam të shohim popullin shqiptar të gëzojë demokracinë kushtetuese për të cilën ata kanë punuar kaq fort për ta vendosur. Fundi i leksionit, dhe do t’iu përgjigjem me kënaqësi disa pyetjeve.

Ju nuk keni të drejtë të shikoni skedarët që i janë shtuar këtij postimi.
''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Avatari i antarit
Drejtues

Poste: 4572
Antarësuar: 28 Janar 2009, 13:10
Pyetje e gazetarve dhe përgjigjet e Zëvendës Ndihmës Sekretarit të Shtetit të SHBA Tom Kantrimen në amabasadën amerikane në Tiranë
Imazh

Ambasada e SHBA, Tiranë (9 Shkurt 2011)

Illyria, RTK: Pyetja e parë ka të bëjë me faktin që Shqipëria është një faktor i rëndësishëm për të gjithë shqiptarët në rajon. A keni parë tek opozita dhe tek qeveria një përgjegjshmëri që, në rast destabilizimi në Shqipëri, ky mund të pasqyrohej tek shqiptarët në Greqi, Maqedoni, Kosovë, dhe Malin e Zi? Së dyti, rezultati i zgjedhjeve të fundit ishte shumë i ngushtë dhe shohim që palët nuk bien dakord për zgjedhje të parakohshme. Po të marrim parasysh faktin që 600,000 shqiptarë duan zgjedhje të parakoshme, a do të ishte e drejtë që ata të ushtronin presion për mbajtjen e këtyre zgjedhjeve mbi palën që nuk është dakord për mbajtjen e tyre?

DAS Countryman: Dy pyetje mjaft të ndryshme. Lidhur me të parën, pra marrëdhëniet rajonale. Kam avantazhin që u largova nga çështjet e Ballkanit për disa vjet dhe u ktheva përsëri. Shoh përparim dramatik anembanë rajonit krahasuar me dhjetë vjet më parë. As Shqipëria as ndonjë prej fqinjëve të saj nuk kanë arritur përsosmërinë në demokraci në dhjetë vitet e fundit, por të gjitha kanë bërë përparime dramatike. Për pasojë, mendoj se nuk ekziston i njëjti shqetësim për një kalim të destabilitetit nga një vend tek tjetri për të cilin mund të shqetësoheshit dhjetë vjet më parë. Secili prej fqinjëve të Shqipërisë i do të mirën asaj dhe shpreson të shohë një zgjidhje paqësore kushtetuese drejt një përparimi të rigjallëruar në Shqipëri. Po kështu, secili prej fqinjëve të Shqipërisë ka problemet e veta të brendshme politike që janë shumë më të rëndësishme se sa ndonjë ndikim që mund të vijë nga një vend fqinjë. Secilit prej nesh i duhet të shqetësohet për gjërat një nga një.

Illyria, RTK: Në fakt, e kisha fjalën jo vetëm në vendet fqinje, por tek shqiptarët që jetojnë në vendet fqinje.

DAS Countryman: Mendoj se shqiptarët etnikë, shtetas të cilitdo vendi qofshin, dëshirojnë stabilitet në vendin ku jetojnë. Shoh parti kryesisht shqiptare etnike në Republikën e Maqedonisë që kanë dhënë kontribut shumë pozitiv për stabilitetin dhe përparimin e atij vendi. Në Kosovë, shoh kushtetutën më përparimtare në Europë, për nga mbrojtja e të drejtave të pakicave. Në mendimin tim, shqiptarët etnikë, qofshin në Shqipëri apo në një vend fqinjë, duan të japin pikërisht atë lloj kontributi pozitiv dhe paqësor dhe kam besim që pikërisht këtë do të bëjnë.

Lidhur me pyetjen e dytë, meqë është shumë hipotetike, më lejoni të përgjigjem në mënyrë hipotetike. Kurdo që 600,000 shtetas të një vendi flasin me një zë mbi çfarëdo çështjeje – kjo është diçka serioze dhe i duhet vënë veshi. Por, shqetësimi im është që të shoh çdo qytetar të Shqipërisë të ketë shansin të shprehë pikëpamjet e veta në mënyrë të ndershme dhe të lirë. Kjo do të thotë – zgjedhje. Zgjedhjet e radhës në kalendar janë zgjedhjet vendor edhe aty është mundësia për të dy partitë dhe qytetarët që të shprehin argumentet e tyre dhe të flasin në mënyrën më të epërme paqësore që demokracitë kanë.

Top Channel: Z. Kantrimen, përtej krizës politike midis shumicës dhe opozitës e cila ka vazhduar për dy vjet, sot kemi një konflikt më të thellë: midis qeverisë dhe tre institucioneve të pavarura. Ky është një konflikt që ditët e fundit ka arritur deri në akuza të forta për grusht shteti. Cili është mesazhi që do t’u jepnit partive – qeverisë nga njëra anë dhe tre institucioneve nga ana tjetër, duke pasur parasysh që ndërkohë që qeveria dhe opozita kanë gjetur kompromise në të kaluarën, por do të ishte e vështirë të gjendej kompromisi me këto tre institucione?

ZV/NS Kantrimen: Pyetje me vend. Nuk duhet të ketë kurrfarë dyshimi që kushtetuta e Shqipërisë u jep këtyre institucioneve të pavarura fuqi të rëndësishme dhe përgjegjësi të rëndësishme. Ato duhen lejuar të bëjnë punën e tyre pa iu ndrojtur pasojave politike. Ne do t’i mbështesim në përpjekjet e tyre për ta bërë këtë dhe, ngaqë jemi amerikanë dhe kemi gjithmonë plot këshilla, hera-herës do t’u japim këshillat tona edhe atyre institucioneve të pavarura. Nuk besoj që konflikti midis Shqipërisë dhe këtyre institucioneve të pavarura është i pashmangshëm. Është një kohë e çmuar si për qeverinë ashtu edhe për këto institucione dhe, për të njëjtën arsye, edhe për opozitën, që të marrin këshillën që ofroi javën e kaluar Ambasadori Arvizu: të përpiqen të kalojnë një ditë duke dëgjuar dhe jo duke folur. Në këtë kryeqytet ka një ortek fjalësh çdo ditë por ka shumë pak dialog.

TVSH: Sapo jeni takuar me përfaqësues të shumicës, opozitës, presidentin. Lidhur me zgjedhjet vendore: a vazhdoni të keni të njëjtat shqetësime lidhur me mosmbajtjen e tyre ashtu si kur erdhët, apo mendoni se diçka ka ndryshuar në qëndrimin e opozitës?

ZV/NS Kantrimen: Siç e thashë, mendoj se nuk është as e mençur as e përgjegjshme të kërcënosh se do parandalosh mbajtjen e zgjedhjeve vendore. Sëbashku me ambasadorin, ia përcollëm këtë të gjithë personave me të cilët u takova sot. Secili prej tyre dëgjoi me vëmendje dhe shpresoj se do të ketë njëfarë ndikimi në rrugën që do të ndjekin në të ardhmen.

AP: Z. Kantrimen, si gazetarë, jemi të interesuar për lajmet më të fundit. Meqenëse ju shpresojmë të keni lajmet më të fundit nga takimet me udhëheqësit, do të ishim të interesuar të dinim nëse ka ndonjë ndryshim në qëndrimin e dy grupeve politike lidhur me situatën? Tani, shqiptarët dëgjojnë vetëm opozitën që bën thirrje për protesta dhe dorëheqjen e qeverisë nga njëra anë ose qeverinë, partinë në pushtet, që bën akuza për grusht shteti, në anën tjetër. Si shqiptar, më duken shumë dëshpëruese. A kemi ndonjë shpresë për ndryshim?

ZV/NS Kantrimen:
Ka dy pika këtu. Së pari, ajo që ambasadori dhe unë iu thamë të dy udhëheqësve sot, në fakt, ishte shumë e ngjashme me leksionin tim të vogël përpara jush sonte. Historikisht, të dyja këto parti, ashtu si pothuajse çdo shqiptar, kanë qenë miq të Shteteve të Bashkuara. Për rrjedhojë, i flasim njëri-tjetrit në mënyrë shumë të drejpërdrejtë por miqësore. Gjithashtu kemi edhe një marrëveshje të cilën ju mund të na ndihmoni t’i përmbahemi. Që do të thotë, ambasadori dhe unë nuk flasim në emër të tyre përpara shtypit dhe ata nuk flasin në emrin tonë. Nuk pretendoj të interpretoj atë se çfarë ka thënë secili prej zotërinjve dhe çfarë do të bëjnë nesër. Nëse ndonjë qytetar shqiptar dëshiron të dijë se çfarë mendojnë Shtetet e Bashkuara, mund të lexojnë fjalët e mia dhe fjalët e ambasadorit, të cilat jam i sigurt që do t’i raportoni të gjitha. Dhe, nuk ka nevojë të shkojnë tek ndonjë nga partitë për të marrë interpretimin e asaj që besojnë Shtetet e Bashkuara.

Së dyti, shpresa: a ka shpresë? Shpresë ka gjithmonë. Për të pasur shpresë, të gjitha palët duhet të kuptojnë që ka gjithmonë një zgjedhje – asnjë udhëheqës politik nuk është i ngecur në një pozitë ku ka vetëm një zgjedhje të mundshme. Ka gjithmonë një zgjedhje midis përplasjes dhe kompromisit. BE dhe Shtetet e Bashkuara e kanë bërë të qartë që kjo është zgjedhja që do të bëjnë këta udhëheqës.

TV Klan: Z. Kantrimen, opozita shqiptare ka bërë të qartë që do të bojkotojnë zgjedhjet vendore, së pari duke mos paraqitur listat në KQZ dhe së dyti, duke u përpjekur të motivojnë militantët partiakë duke thënë që faktorët ndërkombëtarë nuk do të bëhen pjesë e një procesi ku mungon opozita. Cili është mesazhi juaj për këtë qëndrim të fundit të opozitës?

ZV/NS Kantrimen: Këtu ka një ekspert të mirëfilltë për zgjedhjet dhe ky është kreu i pranisë së OSBE-së në Shqipëri, Ambasadori Volfart. Ai është eksperti ndaj më e mira që mund të bëj është të përkrah pohimin e tij. Ai u shpreh që dështimi për të paraqitur emërimet e komisionerëve në KQZ ishte një “shpërfillje të hapur për aspiratat demokratike të qytetarëve shqiptarë nga partitë politike.” Unë nuk e them dot më mirë. Partitë politike duhet që, jo si çështje politike, por si çështje kushtetuese, të paraqesin emrat dhe të planifikojnë për zgjedhjet vendore. Kjo duhet të jetë kërkesa e popullit shqiptar. Në çdo demokraci, hera-herës partitë mendojnë që i zotërojnë ato zgjedhjet. Nuk është kështu. Pronar i zgjedhjeve është populli. Populli duhet të ketë një zgjedhje midis kandidatëve dhe kjo nënkupton pjesëmarrje në zgjedhjet vendore.

Nuk ju falënderoj dot sa duhet. Keni një detyrë me rëndësi jetike për të përcjellë pikëpamjen tonë, jo sepse jemi Shtetet e Bashkuara, por sepse e kemi sinqerisht për zemër Shqipërinë dhe sepse besojmë sinqerisht që ky është çasti kur njerëzit duhet të këmbëngulin tek kushtetuta si mënyra për të ecur përpara.

Ju faleminderit shumë.

###
''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Përpara
Posto një përgjigje 15 postime · Faqe 1 prej 2 · 1, 2
Antarë duke shfletuar këtë forum: Asnjë antar i regjistruar dhe 1 vizitor
Powered by phpBB3
Copyright ©2008 phpBB Group.
Të gjitha oraret janë UTC + 2 orë . Ora 04 Mars 2021, 00:06
Designed by Monitonix
[phpBB Debug] PHP Warning: in file /web/htdocs/www.proletari.com/home/mkportal/include/PHPBB3/php_out.php on line 33: Creating default object from empty value
Theme by Zeuder
Copyright 2009 - 2010 da Proletari