Muzika ushqimi i shpirtit dhe i mendjes. Te shkembejme shijet muzikore dhe te rejat e fundit nga muzika. Te pershendesim njeri tjetrin me muzike apo linke videosh muzikore youtube,google
Moderatorë: Laert, I-AMESHUAR
Posto një përgjigje 7 postime · Faqe 1 prej 1
Vaçe Zela ne 70 vjetorin e saj! (7 prill 1939)
Avatari i antarit
Drejtues

Poste: 4571
Antarësuar: 28 Janar 2009, 13:10
Vaçe Zela
Koncert gala, për 70 vjetorin e këngëtares

Imazh
Qendra Kulturore “Tirana“ në axhendën e saj artistike, koncert madhështor në Pallatin e Kongreseve për legjendën e muzikës shqiptare
Legjenda e muzikës së lehtë shqiptare, Vaçe Zela do të nderohet në 70-vjetorin e saj me një koncert gala. Ky koncert është cilësuar si një prej evenimenteve më të rëndësishme që do të zhvillojë Qendra Kulturore “Tirana”, i cili do të mbledhë rreth tij dhe shumë artistë emra të njohur të artit shqiptar. Koncerti që është menduar të realizohet në datën 7 prill, në ditën e ditëlindjes së saj do të zhvillohet në Pallatin e Kongreseve. Drejtori i këtij institucioni Kiço Londo është shprehur se ky është një prej projekteve më interesante të qendrës së metropolit, veçanërisht momenti i sjelljes në Tiranë të këngëtares së mirënjohur të muzikës së lehtë shqiptare, Vaçe Zela. Megjithatë për këtë gjithçka varet nga kushtet shëndetësore të këngëtares. “Në kuadër të këtij aktiviteti, ne kemi programuar që të organizojmë një koncert të madh në Pallatin e Kongreseve, si dhe disa aktivitete për figurën dhe vlerat e saj në televizione, me këngë të Zelës nga artistë të njohur shqiptar”, është shprehur drejtori Londo për koncertin që pritet për këngëtaren e madhe. Ndërsa këngëtari Kozma Dushi tregon se këngëtarja Vaçe Zela ishte një zë i madh në muzikën shqiptare. Sipas tij, ajo është udhërrëfyesja e këngës së lehtë shqiptare.“Ajo është këngëtarja më e madhe deri më sot e vendit tonë dhe e shqiptarëve, kudo që janë. Ajo është udhërrëfyesja e këngës shqiptare të muzikës së lehtë dhe asaj popullore por më shumë Vaçe Zela është simbol, ikona e muzikës së lehtë shqiptare. Mbaj mend shumë këngë të bukura nga Vaçe Zela. Mbaj mend këngën “Fëmija i parë”, apo në Festivalin e11-të “Natën vonë”. Kënga u prit shumë bukur. Në natën e tretë në finale me këngën e saj ajo e emocionoi sallën.
Kënga ishte me kompozim nga Tish Daija. Vaçe Zela është një këngëtare, që ka kënduar tërë jetën live dhe sot zëri i saj do të bënte hatanë. Ajo ishte një këngëtare shqiptare me një zë të bukur dhe me profesionalizëm dhe kishte një interpretim të veçantë“, u shpreh këngëtari Kozma Dushi. Koncerti që pritet është i vetmi aktivitet më me rëndësi që është mbajtur në këto vite për këngëtaren e njohur të skenave shqiptare. E nderuar në festivalin maratonë të “Këngëve të shekullit”, këngëtarja ndonëse e ftuar, nuk ka pasur mundësi të vijë, duke përshëndetur publikun shqiptar në lidhje të drejtpërdrejtë me telefon. Koncerti që pritet të zhvillohet për këngëtaren e madhe shqiptare do të ngjisë në skenë dhe shumë emra të njohur të këngës shqiptare ndër vite.

*********************************************************
Vaçe Zela "zëri" i jashtëzakonshëm në skenat shqiptare
Vaçe Zela është artiste e popullit dhe këngëtare e njohur e skenave shqiptare. Vaçe Zela ka një zë të jashtëzakonshëm. Këngët e saj në vite mbeten popullore dhe të preferuara nga publiku. Këngëtarja Vaçe Zela mbetet "zëri" i jashtëzakonshëm që mbushte me energji skenat shqiptare. Ajo është një këngëtare e cila ka marrë pjesë në të gjitha festivalet e muzikës në radio dhe më vonë në radio televizion që prej organizimit të parë të tyre në vitin 1962 dhe deri në vitin 1981. Vaçe Zela ka një kontribut të rëndësishëm edhe në muzikën e filmit në të cilin ka interpretuar shumë këngë pjesë e muzikës së filmave. Prej disa vitesh jeton në Zvicër. Ajo është nderuar me Urdhrin "Nderi i Kombit" nga presidenti Alfred Moisiu. Disa nga këngët e saj më të njohura janë: “Çelu si mimoza”, “Djaloshi dhe shiu“,“E dua vendin tim,“Ëndrra ime”, “Fëmija i parë”,“Gjyshes“, “Këngët e vendit tim”, “Lemza“, “Sot jam 20 vjeç”, “Valsi i lumturisë”, “Nënë moj do pres gërshetin”, “ Nuk e fshehim dashurinë”, “ O diell i ri”, “Për Arbërinë”, “Shoqet tona ilegale”, “Shqiponja e lirisë”, “Të lumtur të dua”. etj.
''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Avatari i antarit
Drejtues

Poste: 4571
Antarësuar: 28 Janar 2009, 13:10
Vace Zela ne 70 vjetorin e saj, Posted 15 Qershor 2009, 18:26
Zëri i zemrës shqiptare: Vaçja jonë kombëtare mbush 70 vjeç

Nga Alfred Papuçiu*
Vaçja vajze me kitare

Imazh

Më 7 prill 2009, Vaçe Zela jonë kombëtare mbush 70-të vjeç. Atje në Bazel, të Zvicrës larg Atdheut, pranë bashkëshortit dhe vajzës së saj që kujdesen pandërprerë për të, ajo me kurajo përballon sëmundjen. Cdo ditë, të afërm, bashkëkombas në Zvicër por edhe gjetiu në Diasporë, Shqipëri, Kosovë e vise, interesohen për shëndetin e saj. Ajo përgjigjet shpesh herë vetë në telefon, me zërin e saj të kulluar, shpesh të ulët, për shkak të dobësisë që i ka shkaktuar sëmundja. Por mbi të gjitha të bën përshtypje modestia e saj, vlerat e saj njerëzore që ja ka transmetuar edhe të bijës Irmës, e cila është integruar në shoqërinë zvicerane, duke dhënë ndihmesën e saj të çmuar. Irma ka mbaruar Fakultetin Ekonomik në Universitetin e Tiranës, në degën statistikë, shkëlqyeshëm. Atëhere u emërua edhe pedagoge. Tani punon në Institutin e Statistikave në Bazel dhe është një ekonomiste e shquar. Përveç profesionit të nderuar që ushtron ajo ka shkruar edhe poezi.

Vaçja me bashkëshortin Pjetër Rodniqi dhe vajzën Irma Pjetër Rodniqi

Imazh


Pak për biografinë e Pjetër Rodniqit nga Kosova
Le të bëjmë një digresion që lidhet me familjen e Vaçe Zelës dhe modestinë e saj. Bashkëshorti i saj Pjetër Rodiqi(lindi në Rodniq të Gjakovës) është një intelektual fisnik i cili më tepër të flet për Vaçen dhe të bijën, megjithëse dhe vetë ka dhënë një ndihmesë të çmuar për çështjen shqiptare, në fushën e tij të dashur, përkthimit. Ai ka përkthyer nga gjermanishtja tre libra dokumentarë e publiçistikë për Ballkanin, Shqipërinë dhe Kosovën, botuar nga shtëpia botuese « Rozafa ». Libri « Shqipëria » ka për autore Christine von Kohl. « Ballkani, faktor qëndrueshmërie apo pështjellimi“ është shkruar po nga Christine von Kohl dhe bashkëshorti i saj Wolfang Libal dhe libri i tretë është një vepër jo pak e njohur për lexuesin shqiptar, i rëndësishëm për burimet që na jep një albanolog si W. Von Hahn, me « Nëpër viset e Vardarit ». Libri « Shqiptarët » shtjellon çështjen e identitetit kombëtar të shqiptarëve që nga koha e pushtimit osman dhe më pas udhën e vështirë që ka kaluar ky vend drejt modernitetit, megjithë kohën e humbur nën diktaturën e E.Hoxhës.

Ndërsa Vaçja kënaqet duke dëgjuar shpesh herë muzikën tonë kombëtare, bashkëshorti i saj që i qëndron pranë gjithë kohën, me fisnikërinë e tij të veçantë vazhdon punën e tij hulumtuese për të na dhënë vepra të tjera. Vaçja jonë zemër artë dhe me zë të veçantë, është përfshirë në librin e 500 personaliteteve me më tepër influencë në botë dhe është e vetmja shqiptare që ka marrë këtë çmim nga Instituti i Biografive në Amerikë. Ajo ka marrë shumë çmime dhe dekorata, por mbi të gjitha ndjen kënaqësi të veçantë dhe shpreh mirënjohjen për kujdesin që tregohet nga bashkëkombasit e saj dhe personalitetet e vendit së saj mëmë. Këtë vit ajo është Personaliteti i vitit 2009.

Modestia e saj shprehet edhe në kujtimet e saj të hershme: „Mbaj mend që, prindërit e mi nuk donin të bëhesha artiste, kinse unë kisha lindur në një familje ku kënga ishte ulur këmbëkryq, në shpirtin e të gjithëve », kujton Vaçja. « Nuk di si të shprehem, as kënga nuk ka ardhur tek unë, as kam shkuar unë te kënga. Si të them, unë e kam ndjerë veten një me këngën, kam qenë brenda saj. Linda në një familje ku, edhe po të doja, nuk mund t’i ikja këngës »
Imazh

Vaçja, Ana Oxa dhe e bija e Vaçes Irma

Megjithë gjendjen shëndetësore jo të mirë aktualisht, ajo pranoi me kënaqësi të japë një intervistë si kjo më poshtë për gazetën « Tirana Observer », apo edhe të tjera më parë, duke shprehur në të njëjtën kohë me modesti se nuk ka bërë ndonjë gjë të madhe gjatë jetës së saj, vetëm ka dhënë një mesazh modest nëpërmjet muzikës popullit të vet mirëdashës dhe fisnik. Kjo modesti e ka karakterizuar dhe e karakterizon gjithmonë Vaçen tonë kombëtare, çdo herë që flet me të. Një kujtim i bukur dhe tepër domethënës për Vaçen tonë kombëtare është edhe monografia e As. Prof. Nexhat A. Agolli me titull « Vaçe Zela…magjia e këngës shqiptare” që kemi bindjen se do të pasohet nga të tjera. Më poshtë do të jepen dhe disa vlerësime, pasi për mungesë vendi nuk mund të përfshihen këtu me qindra fjalë - shprehje e mirënjohjes ndaj Vaçes sonë kombëtare, nga bashkëkombas artistë, kompozitorë, shkrimtarë, personalitete të vendit por edhe këngëdashës të huaj që kanë patur fatin ta dëgjojnë zërin e saj kumbues dhe të ëmbël. Cdonjeri nga ne e ka për fat të veçantë kur flet me të dhe ne të gjithë urojmë që Vaçe Zela të rrojë akoma edhe disa dhjetëveçarë dhe ta kemi në gjirin tonë duke kënduar apo duke shijuar qindra e qindra këngët e saj të pavdekëshme.

*Shkrimtar, publiçist, Gjenevë, më 5 prill 2009
''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Avatari i antarit
Drejtues

Poste: 4571
Antarësuar: 28 Janar 2009, 13:10
Vace Zela ne 70 vjetorin e saj, Posted 15 Qershor 2009, 18:33
Këngë të interpretuara nga Vaçe Zela
Vaçe Zela 70 vjece(7 prill 1939)

Imazh

1. Rrjedh në këngë e ligjërime
2. Ku po shkon o partizan
3. Manushaqja
4. Ti që ke në sy lirinë
5. Mirëmëngjes
6. Një zambak i bardhë në gur
7. Këngë për Selam Salarinë
8. Valsi i lumturisë
9. Mall për mëmëdhenë
10. Këndoj
11. Marshojmë fitimtarë
12. Nënë moj do pres gërshetin
13. Trëndelinë
14. Motive
15. Dëshmorët e Pojskës (përp.)
16. Flakë e borë
17. Natën vonë
18. Doli ylli që me natë (Përp)
19. Sot këndoj
20. Kënga e krushqve
21. Me lule të bukura
22. Erë pranverore
23. Lulëkuqja
24. Jeho
25. Të lumtur të dua
26. Shqiponjë e lirë
27. Këngë e re
28. Për ty
29. Kur bie fyelli e çiftelia
30. Djaloshi dhe shiu
31. Gjyshes
32. Ylli partizan
33. Lemza
34. Këngë për aviatorin
35. Gonxhe në pemën e lirisë
36. Rrjedh në këngë e ligjërime
37. Mësuesit Hero
38. Këngë për Misto Mamen
39. Nuk është lodër dashuria
40. Çelu si mimoza
41. Sot jam njëzet vjeç
42. Fqinja
43. O diell i ri
44. Rritëm jetën tonë
45. Në shtëpinë tonë
46. Lule Shqipëri
47. Për liri s'të fal shqiptari
48. Nuk e fshehim dashurinë
49. Qeshu rini
50. Shokët
51. Lumi Ebro
52. Fëmija e parë
53. Kur jam pranë teje
54. Endrra ime
55. Endëses
56. Mes lulesh
57. Nusja e lirisë
58. Si agimi i kuq
59. Dita ditën me këngë e zgjon
60. Brezi im
61. Këngë për Shkurte Vatën
62. Mesnatë
63. Këngët e vendit tim
64. Dashuria
65. Gjurmë të arta
66. E dua vendin tim
67. Gëzon Malësia
68. Shoqet tona ilegale
69. Pushkë e zemër
70. Dritaren kërkoj
71. Jetë na dhuruat
72. E bukura More
73. Trëndelinë
74. Zunë fushat të lulëzojnë
75. Qeshu Myzeqe
76. Blegërin delja
Këngë partizane
77. Kënga e Azem Zenelit
78. Shqiponjat partizane
79. Ato maja rripa rripa
80. Marshi partizan
81. Dëshmorët e Pojskës
82. Partizani vogël
83. Dalngadalë po vjen behari
84. Kënga e Emin Durakut
Këngë të huaja
85. Firence stanotte sei bella
86. Chamino
87. Sei stato il primo amore
88. Suona, suona mia chitara
89. Granada
90. Malagenja
91. Antonio Vargas Serena
92. Esperanto
93. O violina cigana
94. Retiën la nuit
95. Gjinkalla (ruse)
96. Na u prish karroca (rumune)
97. Gjithë bota je ti (greke)


Imazh
''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Avatari i antarit
Drejtues

Poste: 4571
Antarësuar: 28 Janar 2009, 13:10
Pak nga jeta e Vaçe Zelës, Posted 15 Qershor 2009, 19:35
Pak nga jeta e Vaçe Zeles

Vaçe Zela ne fillimet e saj

Imazh

Shumëkush më thoshte që e kisha nga Pjetri këtë ndjenjë të dashurisë kosovare… Mua më është dukur vetja më tepër kosovare. Gjithnjë jam ndier më kosovare se askush tjetër.

Bota sot: Po Pjetrin ku e gjetët? Ta mori mendjen me bukuri apo me kosovarizëm!… - e pyesim për të shoqin, në përpjekje për freskim të bisedimit me të.

Zela: Me të dyja. Ka qenë i bukur dhe i mençur shumë…

Bota sot: Ndërkaq ajo thërret të motrën, Florën, e cila ka ardhur në vizitë nga Tirana, por nguron të hyjë brenda… E shfrytëzoj rastin të marr vesh diçka më shumë për familjen e saj të mbetur në Shqipëri…

Zela: Kam tre vëllezër dhe dy motra. Të gjithë jetojnë në Tiranë. Unë kam qenë e lidhur shumë me familjen. Kam qenë më madhja dhe kam dashur gjithnjë t`i kem pranë vetes edhe të tjerët. Kur kam ardhur në Tiranë në fund të vjetëve `50, i kam marrë edhe ata me vete. Nuk mund të rrija pa familje.

Bota sot: Si ia nisët këngës, kur ju lindi dashuria për lulet?

Zela: Këngën e kam nisur shumë e vogël, kur isha nëntë vjeçe. Sa u rrita nisa të merresha me lulet. Kam pasur një shtëpi shumë të varfër… Dhe çka nuk kishte aty – jo brenda saj, por në kopsht. Gjithnjë mbillja, mbillja, mbillja lule… Kështu kam vazhduar edhe në shtëpinë në Tiranë, edhe këtu – në Zvicër.
Imazh
''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Avatari i antarit
Drejtues

Poste: 65
Antarësuar: 18 Qershor 2009, 15:27
Sa i bukur ky shkrim! Faleminderit i nderuar Laert qe ke sjelle kete postim per te mrekullueshmen Vace Zela, e pazevendesueshme per zerin e saj te rralle dhe per dinjitetin e shprehur ne cdo kenge qe ka kenduar, per shpirtin e bukur qe e transmetonte nepermejt fjaleve te mahniteshme te gjuhes tone neper kenget e saj, shoqeruar me ate ze - dhurate Perendie. :flm

Ja nje kenge e kenduar nga Vacja per Shqiperine:


Moj e Bukura Shqiperi - http://www.youtube.com/watch?v=eFUqslOUWC0
Imazh
Përgjigju duke Cituar
Avatari i antarit
Drejtues

Poste: 4571
Antarësuar: 28 Janar 2009, 13:10
Vaçe Zela ne 70 vjetorin e saj! (7 prill 1939), Posted 30 Qershor 2009, 23:55
Faleminderit Diana!

Te jesh e sigurt se shume pak kam be une per te pasqyruar jeten dhe vepren e saj, pasi duhet shume pune per ta respektuar duke e ruajtur dhe trasheguar brezave te tjere kjo grua e rralle ne zerin dhe artin e saj.
Per fatin tim me kengen e Vaces, une shkaperceva shume andrralla te jetes si cdokush. Nuk dua me te shkruaj sepse me raskapite shume. Mungesa e saj eshte nje humbje e kombit, por ishalla vjen nje epoke te nxjerre nje ze si kjo per kengetaret femra. :flm
''Skllavëria jonë vjen nga fakti se i nënshtrohemi Sundimit të Gënjeshtrës, se nuk ia çjerrim Maskën e nuk protestojmë kundër saj çdo ditë”:Martiri Polak, Frati Jerzy Popiełuszko. Në shqipë prej polonishtes Bep Martin Pjetri
"Ku asht Shpirti i Zotit, aty asht Liria"("Ubi spiritus Domini ibi libertas") At Gjergj Fishta
"Të vdekun kanë lindë ata, që Sot Heshtin!"Fritz Kolë Radovani
Përgjigju duke Cituar
Avatari i antarit
Drejtues

Poste: 608
Vendodhja: Italy
Antarësuar: 05 Mars 2009, 19:37
Vace Zela eshte nje ze i mrekullueshem.Jemi krenar qe ne venat e saj rrjedh gjak shqiptari.
Imazh
Përgjigju duke Cituar
Posto një përgjigje 7 postime · Faqe 1 prej 1
Antarë duke shfletuar këtë forum: Asnjë antar i regjistruar dhe 2 vizitorë
Powered by phpBB3
Copyright ©2008 phpBB Group.
Të gjitha oraret janë UTC + 2 orë . Ora 27 Shkurt 2021, 23:12
Designed by Monitonix
[phpBB Debug] PHP Warning: in file /web/htdocs/www.proletari.com/home/mkportal/include/PHPBB3/php_out.php on line 33: Creating default object from empty value
Theme by Zeuder
Copyright 2009 - 2010 da Proletari