Lexuar 2965

1. Meqë është hera e parë që një kryeministër shqiptar i këtyre 25 viteve te fundit jep opinionin e tij në lidhje me zgjedhjet elektorale amerikane dhe biles arrin të jap dhe pëlqimin dhe mos pëlqimin për kandidatët që kanë filluar garën elektorale për president të SHBA-ve. Kjo gjë e frikëson sadopak opinionin politik shqiptar që nuk është mësuar të jetë pjesë e problematikave madhore ku luhen fatet e kombeve. Ky qëndrim i mjegullon analistë tanë kaq të “aftë” duke i bërë ata të kalojnë në sharje apo dhe të bëjnë krahasime me diktatorin hoxha(kur ai kundërshtoi fuqinë e asaj kohe).

Shtrohet pyetja pse kryeministri po “fut hundët” në çështjet e brendshme politike amerikane?
Mos vallë dëshiron të “hakmerret” ndaj politikës së jashtme amerikane e cila “fut hundët” në çështjet e brendshme politike shqiptare?
Mos vallë po mbështet lobet amerikane(Soros & CO) që e kanë mbështet atë(Edi Ramën) të fitoj zgjedhjet në 2013-tën?
Apo thjesht kërkon të marrë famë si ndër të paktë lider europian që po “guxon” të “kundërshtoi” haptazi republikanin Trump?

Politika është një multipërgjigje dhe si e tillë këto pyetje(retorike) qe shtrova më lartë e ka njëra përgjigjen brenda.

Pyetja që s’ka retorikë por shumë relativizëm është:
Po të zgjidhet Donald Trump presidenti i ardhshëm i SHBA-ve si do vazhdohet në rrugen e nisur të reformave të “propozuara” nga ambasadori amerikan Lu dhe si do vazhdohet me ndikimin amerikan në Shqipëri dhe në BE?

Përgjigjen nuk kam arësye ta jap unë pasi s’duhet influencuar mendimi i askujt por do shtoja vetëm diçka. Në rastin në qoftë se amerikanët ju “shpëton nga dora kontrolli” dhe vendosin që Donald Trump të jetë presidenti i ardhshëm i SHBA-ve atëherë jo vetëm Shqipëria por e gjithë bota do ndryshoi(për mirë apo për keq është temë me vehte).
Pellazgilirarbër/Proletari.Com