Lexuar 5811
Zbardhen të tjera fakte rreth historisë së zezë së korrupsionit me përfitimin e kredive me interes zero dhe kredive të buta, nga oborrtarët e pushtetit të Sali Berishës. Gjatë tetë viteve në pushtet, Sali Berisha e ktheu Entin Kombëtar të Banesave në një çerdhe qokash, ku shpërbleheshin militantët, për besnikëri dhe bindje ndaj familjes dhe partisë. Abuzimi me dhënien e kredive me interes zero për të “pastrehët” është ndoshta rekordi më i madh historik i qeverisë së kaluar sa i takon shpërdorimit dhe përvetësimin të parave të shqiptarëve, duke ushqyer me benefite të paligjshme klanin e pushtetit. Zyrtarë të lartë të qeverisë së kaluar, me apartamente dhe vila në Tiranë, kanë marrë kredi me interes zero si të pastrehë, për të ndërtuar vila të tjera në bregdet. Në kushtet kur në kryeqytet ka mijëra familje të pastreha, kreditë kanë shkuar për rrethin e familjes Berisha, për të ndërtuar shtëpi të dyta apo të treta. Sot dosja është në prokurori. Po kush janë njerëzit që kanë përfituar kredi me interes zero nga Enti Kombëtar i Banesave.