Lexuar 1609

LDD aprovon dorëheqjet e Rugovës dhe Tolajt.

Kryesia e Lidhjes Demokratike të Dardanisë, në mbledhjen e së hënës të kryesuar nga akademik Nexhat Daci, me propozim të kryetarit të partisë, të mbështetur në statutin e LDD-së, ka aprovuar dorëheqjet e nënkryetarit, Naser Rugova dhe sekretarit të përgjithshëm, Sejdë Tolaj.

Përmes një komunikate për medie, bëhet e ditur se në këtë takim është diskutua lidhur me çështjet aktuale politike në vend pas zgjedhjeve dhe akuzave të rënda nga raportuesi i Kuvendit Parlamentar të Këshillit të Evropës Dick Marty, të cilat u vlerësuan si “akuza të pavërtete, ta pa bazuara në fakte dhe shpifje të cilat kanë për qëllim që të denigrojnë popullin shqiptar në tërësi dhe shtetet e Shqipërisë dhe Kosovës”.

Naser Rugova dhe Sejdë Tolaj dhanë dorëheqje ditë më parë, të pakënaqur me rezultatin zgjedhor që kjo parti arriti në zgjedhjet e 12 dhjetorit. Madje, Rugova ka kërkuar edhe dorëheqjen e kryetarit të LDD-së, Nexhat Daci, si mënyrë për ta shpëtuar LDD-në.
Zëri.Info