Lexuar 4911
VELIPOJË- Nëse paraditja e këtyre ditëve të gushtit në plazhin e Velipojës të sjell si argëtim ujin e freskët të detit dhe marrjen e rrezeve të diellit në rërë, jeta e natës është pothuajse evdekur për të rinjtë. Ora 23:00 e mbrëmjes shënon trokitjen e task force në dyert e lokaleve me muzikë, e cila cdo natë të kujton se pas kësaj ore venitet cdo argëtim për të rinjtë.

Mundësia e vetme për argëtim mbeten xhirot në qendër dhe në bregdet, por që duket se nuk preferohet dhe aq nga moshat e reja. Komuna e Velipojës ka marrë këto masa në zbatim të vendimit të ministrisë së linjës për shqetësimin që sjell ndotja akustike. Ndërsa të rinjtë shprehen se vitin e ardhshëm do të zgjedhin një tjetër bregdet për të kaluar pushimet, ku argëtimi gjatë natës të ofrohet pa limit.
(m.a/News24/BalkanWeb)